قصيدة مهداة , الى الطرطور توفيق عكاشه . الصحفي المصري , وصاحب قناة الفراعين , الذي نعت الشعب العراقي , بالحمير والبغال .
_
سمعنه احمار ينهك , عله الشاشه
المذيع ايكول : ده السيد
عكاشه
+
ذكرنه اوكال : ذوله ابغال واحمير
اودخل , بس بالشتم والسب
نقاشه
+
اوظل .. ايجيب ويسطر تفاهات
ولا واحد من الجلاس
حاشه
+
اريد اعتب .. على توفيق ابو كلاش
النسه .. اوظل يثرد وياكل
اكلاشه
+
واكله : احنه الجبال الكاضه الكاع
احترم نفسك , ولتلوص
يباشه
+
ولك .. احنه الربيع الينعش الروح
ورحيق ازهور , تشتاكه
الفراشه
+
سفرة خير احنه .. اتشبع الناس
اوبحر , مايه العذب
يروي العطاشه
+
هدمنه .. امعطر ابعنبر اوريحان
اومن جنة عدن ,خالص
اقماشه
+
وعنبنه .. اغصانه تدندل عله الروس
ياهو المد اديه عالغصن
حاشه
+
العراقي .. الكمر يتوصف بالشعار
اوبخيت اللي وصل , لحذاه
اوناشه
+
العراقي .. ايبيع روحه , اويكرم الضيف
يسد بيبانه عن الجاي؟
حاشه
+
اذا طب الغريب .. اوشافه محتاج
عله استعداد يصرف كل
معاشه
+
اجتنه افواجكم .. مثل الزنابير
وتلكيناهم .. انهلي
ابشاشه
+
وكت , كل مصري عاش ابارض العراك
ابسعاده اوخير , ذاك الوكت
عاشه
+
اومن دار الوكت , ما غزر الزاد
وكل معروف وياكم
تلاشه
+
بالك تامن .. الاولاد فرعون
حجتهه اهواي , حجية
اكماشه
+
تأدب ياسفيه .. اوحطلك إحساس
لانك مو مؤدب
ياعكاشه
+
اجي فد يوم .. واتناوشك باطراك
وحتما راح تصرخ
" ياخراشه"
+
ما ينجيك .. "تلفاز الفراعين"
ولا تحميك من الكتل
شاشه
الموضوع السابققناتنا على التلغرام : https://t.me/kitabat
.jpg)
