رواية من زمن العراق ح٣٢
وليد فاضل العبيدي

المقالات لا تُعبر عن وجهة نظر الموقع، وإنما تعبر عن رأي الكاتب.

٣/٥/٢٠١٧

انشرها لعشرة اشخاص..

من جنت طالب بالكلية وافق ان يكون شهر رمضان في موسم الشتاء القارص 

يعني يطب اليوم منا يطلع منا متحس لاجوع ولاعطش بس تحاول تغض بصرك في حينها عن..

فاتنات نال من انوثتهن جوع الحصار فلم يبقي للوجه نضارة او لاجسادهن غضاضة ..

يعني الاخير صرنه بدو ..

الثوب علبطانة  والوان الملابس امولحة لان تغير ثباتها.

كان وكت صلاة ورحت طاير لمصلى الكلية ما كو احد بيه بس اني وشخص من التنظيم الطلابي يريد يصلي بالطلاب جماعة.

كعدت على صفحة واحترمت نفسي حتى اغضن بصري بطريقة جبرية  ،جريت قران وكلبت اول صفحة عود لازم ختمه واثناء فتحه طلعتلي ورقة مكتوب بيها من هذا الخرط المحترم ..

واذا متكتبها ودزها لعشرة ربك يتبره منك ،ثاري العينتين  (المومن)ديتفرج عليه شراح اسوي .

ماكذبة خبر سديت القران وكان بيدي كتاب اسمه نقد الفكر المعاصر لمؤلفه معن خليل يتناول التنظير الماركسي والشيوعي المعاصر والطبقات العمالية  فتحته وظليت اقره بيه ..

من كملت الصلاة صاحني  وكلي ممكن تتفضل ويايه للمكتب الطلابي  حتى استفسر منك ليش فتحت هذا القران ابو الورقة ..

رحت وياه دين يمين عمي ما اعرف على بهليتي طبيت ..

ما فاد ..

بعدين شفتها انلاصت حيل ...كتله عيني اطلب مخطوطات على الموضوع وهي مطابقة الخط وكان عدنه اساتذه خبراء بالخطوط والتواقيع في حينها 

هوه كام يذب الوان ..

وهدا الموضوع بعد ما يبس ريجي الله لايوفقه ..

طلع هوه كاتبه وذابه بالقران ويتبلى على الناس ..

بالاخير اجى مسؤول خليتهم كلي ولك انت اول تالي اطب تصلي بجامعة الكلية شوازاك ...كتله الله وكيلك كله من وره غض البصر والصد عن رؤية فهيمة جان رحت وراء البصر ..

لو باقي بالسنتر والعب عيوني ولا هل الأربعة ركع لله ..

عمي ورطة .

وجماله يكلي ..

.ينجي الذين اتقوا ...

كتله الذين اتقوا شو تسحلوهم ..

المهم...

يوما ما انساه ولا انسى الرفيق السحلني وشفته قبل مده بالمتنبي  وذكرته ..

كتله الحمد لله مازلت على قيد الحياة ..

الموضوع السابق أيها الإنسان: إستمر بالمحاولة ولا تيأس!

قناتنا على التلغرام : https://t.me/kitabat