فرحانه دنيه وسمه
سعيد الفتلاوي

فرحانه دنيه وسمه

نورتي يافاطمه

يمكمله وعالمه

شرفتي ياغانمه

 

............................................

 

هل مولدچ باليسر

والمصطفى مفتخر

يعجز كلام وشعر

وبهالولاده سمه

 

............................................

 

مبارك على كل ولي

مولاي الاول علي

تهنيك دنيه وهلي

بالمولد ومقدمه

 

............................................

 

مولدچ احله فرح

هاليوم گلبي انشرح

باب السعاده انفتح

افراحنه قايمه

 

............................................

 

بكل عام يومچ يهل

وافراحنه تكتمل

بام الحسن يحتفل

كل مسلم ومسلمه

 

..........................................

 

سر البتول اودعه

رحمان يمه ارفعه

بسرچ يزهره دعه

كل داعي بالمرحمه

 

............................................

 

ام الابوها اصبحت

للدنيا من شرفت

بهالنور كلها ازهرت

نورچ تراه مكرمه

 

............................................

 

شع نورچ من الصمد

هالنور صار السند

يحمينه يوم الوعد

والشيعه بيه سالمه

 

............................................

 

اسمچ يزهره انحسب

هوه اساس النسب

مفتخره بيچ العرب

لحروفه نفدي الدمه

 

............................................

 

شاهد عليچ الزمن

صبرچ هزم كل فتن

بحكمه هزمتي المحن

بعلومچ الدايمه

الموضوع السابق قلب شاعر

قناتنا على التلغرام : https://t.me/kitabat