لو يضيمك ضيم , لو دهرك يدور
عباس طريم

لو يضيمك ضيم , لو دهرك يدور

ارفع ايدك كول يا ام

البنين

+

اقسم الربك ,  وقدمله  النذور

وكله نذكرك, بسم ام

الطاهرين

+

اذكرهه عد احسين , من تمشي وتزور

وعد علي ربان كل

الحايرين

+

وعد رسول الله ! أوقات  السحور

الحبيب الصادق البار

الأمين

+

اوشوف بعيونك  يهل تنخه , الأمور

شلون ربك يقبل الدعوه

ويعين

+

شلون صدرك ينفتح  , مثل الزهور

وكلشي ردته ايصير عن

صدق ويقين

+

شلون يرجع يسكن ابكلبك  سرور

وتشعر ابتكريم رب

العالمين

+

هذي ام الضيغم  الحيد  الجسور

الرمه الماي وكال , لا

يانفس هين

+

هذي حضوة علي , هذي ام البدور

الظلو وي حسين بالطف

صابرين

+

انتظرت ابدار الكرم عدة شهور

ناطره وتسال جميع

الوافدين

+

ومن وصل ناعي الخبر بالحي يدور

اواسه بدموع الحزن ام

البنين

+

وكالهه : ما كصرو كل  النسور

والنعم اشبالكم وفوا

الدين

 +

ها وابشرج , صال  عباس الغيور

وكطعو اشماله , وبعد

حته اليمين

+

وصالوا اخوانه بعد مثل  النمور

وما ترك بيهم سليم

ابن اللعين

+

من  درت  بيهم , الكل متجندلين

والنعم كالت صدك وفوا

الدين

+

فدوه كالت  راحوا  البدر البدور

لطمت وكالت , اسألك

عالحسين

+

وحين سمعت بالخبر طايح النور

لطمت الراس وبعد هملت

العين

+

وياعلي صاحت , يسياف وجسور

وينك اتبدد فلول

الغادرين

+

وصار  الهه ابكربلا  اكبر  حضور

وعد اله الكون موقف

والأمين

+

لو يضيمك ضيم , لو دهرك يدور

ارفع ايدك , كول يا ام

البنين

الموضوع السابق هو وجْهُها الموْعود..(تنتظره يوم 8 من كل آذار)

قناتنا على التلغرام : https://t.me/kitabat