ريّسنه والمناخ !
عارف مأمون

عدل وضع المناخ ورجع ريسنه
داخت بيه دول من القى كلمتنه
لگه حل وعلاج الثقب الاوزون
بعد ماكو برد لاحر يمر بالكون
حيّر روسيا وامريكا وافلاطون
وضمت راسها اليابان من عدنه
 
اذا هيچي نداره عدكم وتعديل
شعجب عدتوا العراق العام گبل الفيل ؟!
شسولفلك يكاكه الحاله تتعب حيل
اعدل روحك وبعدين تقنعنه
 
تركت البيت تايه والشعب مهضوم
ورايح للمناخ تعدله يامعصوم ؟!
خاف نگول كردي ونبتلي ياقوم
واذا نسكت اخاف الحرگه تكتلنه !
 
ريّس بالاسم مانسمع بطاريك
يم مسعود نايم بالشعب شعليك !
تمر بينه المصايب وانت ماتعنيك
امبارك بس نهبتوا فلوس دولتنه
عدل وضع المناخ ورجع ريسنه

الموضوع السابق عن دار فضاءات للنشر والتوزيع – عمان طبعة ثانية من رواية كاهن الخطيئة للكاتب والاعلامي السوري محمد برهان

قناتنا على التلغرام : https://t.me/kitabat