خوش اخبار
عارف مأمون

خوش اخبار
داعش خانكّه الانبار !!
خوش اخبار..
يبن الموصل الحدباء
تماثيلك غدت طشار
شلّك انت بالتاريخ
مجرد كومه من احجار ؟!
خوش اخبار..
حرايركم بدين الجايه من الغار
خوش اخبار
صاير سوگ للمسيار !
جوامعكم بعد لأبليس
الصلاه صارت وره الكفار !
مندوم وعلي ومقهور
ومن ضيمي اعتبركم عار
مو شغلة شماته اليوم
بس الحرگه تطلع نار
لوما شانت اعله شيوخ
ماضحت زلم ذي قار
ومافزعت البصره بزود
وعماره انتخت للثار
ولا ابن السماوه يكَوم
وريث الفاله والمگوار
ولا ديوانيه شالت غيض
وابن واسط وكَف مغوار
ولا من النجف طوفان
يحمل صولة الكرار
ولامن كربله يرن صوت
ونسمع (لاء) ابو الاحرار
ولا بغداد والحله..
تزف شبانها الاخيار
ولامن كَاع كل حره
انتفضت غيرة الثوار
ذوله احنا حماة الدار
محد بينه هجّر جار
هاي اخباركم ياحيف
اسمعوا الجايه من اخبار
احنه النعدل السكان
روافض نرفض الاشرار
نحمي الدار..
نمسح كل اثر غدّار
وباچر مو بعيد نشوف
اولاد الملحه وكت الثار !

 

الموضوع السابق المجلات الثقافية والفكرية في بلادنا مجلة (الاسوار) العكية

قناتنا على التلغرام : https://t.me/kitabat