فلا ننساها والعباس
سعيد الفتلاوي

صعب نتناسه جُرم الصار
وْصعب نسكت عله الظلّام
.
الظليمتها دمعنه دْموم
تِحير شْتكتب الاقلام
.
هضيمه امّ الحسن تنصاب
عجيبه شْحملتِ مْن الام
.
بْضلعها تْكسّر البسمار
الالم خلّاها ابد متنام
.
جفوها وْ جافو المختار
عله البضعه افرضو احكام
.
بْامرِ حاقد بغي وْ غدّار
عصابه وْ تدّعي الاسلام
.
اجو للدار زمرة عار
بْحقد غارو عله الاَعلام
.
يذلّون الوصي يْريدون
خست هالزمره موش ازلام
.
ينادي الحاقد الملعون
احرگو البيت ارفعو اعلام
.
الحُكم النه وْ فلا ينعاف
صعب نتناسه هالالام

كُفَر بالدين والاَعراف
حرگ دار الوصي المقدام
.

وْكسر ضلع الزچيه وْ جار
وابنها السگّطه بْاجرام
.

فلا ننساها والعباس
وْعزاها نْذيعه بالاِعلام
.

نِعَلم الناس باللي صار
لان عَيْشوهم بْاوهام
.
عبيد المال هالانذال
الجرح ينزف فلا يلتام
.
الجره والصار عالزهراء
الزمن ينعاه والايام
.

الموضوع السابق الزحافات والعلل وما يجري مجراهما ومتعلقاتها

قناتنا على التلغرام : https://t.me/kitabat