ا يالولي
سعيد الفتلاوي

ا يالولي ا يالولي

.

بعد المصاب بْكربله

سْكينه العزيزه مْيسره

.

ا يالولي ا يالولي

.

...........................

.

.

من ودّع اعياله الولي حسين ابن حامي الحمه

لِسْكينه ابو اليمه التفت دَمعتها عالخد ساجمه

ساعة الم ما تنوصف حالة سكينه تْأَلِّمه

هلّت دمعته ابن النبي وْ دمعة سكينه اتكلمه

.

انتَ القضيّه العادله - ربنه المصابَك ينظره

ا يالولي ا يالولي

.

...................

.

بعد الوداع وْ هالحزن صارت تنوح وْ خايفه

وِتْنادي عمّي يالبطل يالهمّي وحدك عارفه

وْصارت تصدّ اعله الگمر تنظر جراحه النازفه

حامي خدرنه وْ كافله جْيوش الخيمنه زاحفه

.

ظل الخدر من يكفله - وْهاي اليتامه مْحيّره

ا يالولي ا يالولي

.

...................

.

تندب اخيها وْ مصرعه گوم الاعادي تْولّته

نُور الرسول المصطفى حيدر ولينه بْصولته

ابن الوديعه الطاهره روح الحسين وْ مهجته

عالاكبر يْهلّ الدمع بالخيمه تنظر جثته

.

وابنحره امّه تْقبله - گلبِ الْيِشوفه يْفطّره

ا يالولي ا يالولي

.

...................

.

تنعه الرضيع بْكربله تنوح وْ توِنّ المصرعه

بْحرِّ الشموس وْ يالضمه صارت مهجته مْروّعه

لا غيره عدهم لا رحم سدّو طريق المشرعه

ذبحو وريده مْن النحر فَزّ الگماطه گطّعه

.

بْسهم المنيّه وْ حرمله - بچّه السماء بْمنظره

ا يالولي ا يالولي

.

...................

.

نار بْخيمهم لاهبه حرگت ضعنهم والخدِر

سِلبو عيال المصطفى لا حرمه راعو لا ستر

هذي شيمهم بالحرب اهل الضغينه والغدر

كلهن يصيحن يا علي ذبحو ولينه مْن النحر

.

سْكينه وْ بنات العائله - كلهن ينادن حيدره 

ا يالولي ا يالولي

.

...................

.

ليلة عذاب وْ مؤلمه فراگ الحبيب وْ يالمحب

عْيال وْ حرم متجمّعه حزنانه كلها وْ تنتحب

كلمن ينوح السلوته للباري امره وْ محتسب

سكنه تراها غايبه وْ راحت تِدَوّر بالدرب

.

ظنها الابيْها تْقابله - تشكي الهضيمه مْن الجره

ا يالولي ا يالولي

الموضوع السابق دمعة و رثاء..

قناتنا على التلغرام : https://t.me/kitabat