الى القائد العراقي البطل , اللواء الركن ابو الوليد
عباس طريم

 دوه  انت  وللشدايد  دوم  موصوف
_____________________

دوه  انت   وللشدايد  دوم   موصوف
   و بطل .. شايل كلب, ما يعرف
              الخوف
                 +
واذا   شدت  زلمنه  اعله  المضمرات
      تشك نيرانهه وما تظل
              مجتوف
                  +
حمت   يابو الوليد   وماجت   الناس
       وانت الذيب , بالكلفات
              معروف
                   +
هلابك     ياجبل    ويكابل    اسفوح
        وبحر.. وتريد تندك بيه
               الجروف
                    +
شوصفك   يلجنت   للبردي   حماي
          جريء  , ويشهد ابحقك
                المشحوف
                     +
العراق  اوياك   كله   ايقاتل   اليوم
           شوارع وانملت بالوادم
                 اصفوف
                      +
كل    واحد   جفن   شايله      وياه
     لجل كسب الشهادة اليوم
                   ملهوف
                       +
عراقيين  ما   نسكت  عله    الضيم
    مسرجه اخيولنه ومرفوعة
                  السيوف
                      +
دطب   بيهم   يلسمر  , كحل العين
  وخل جرذان نصره وداعش
                  اتشوف
                      +
دوريهم    يلسمر    لعبة     الموت
    وخل داعش تطب ساحات
                  الحتوف
                      +
انكشف زيف  الغدر  وانعرف مرماه
       وصار اللعب بالساحات
                  مكشوف
 
                     +
عرفنه  اللي  علسنه ابساعة  الضيج
       وعرفنه الطب علينه ورايد
                  ايحوف
                      +
نعم      للمرجعية    انجاهد     اليوم
         وندريه الدرب بالموت
                    محفوف
                        +
عزف  صوت الرصاص ابنغمة الموت
          نشيد ايشيد بينه , وعيب
                    معزوف
                        +

زهت     يابو الوليد    وخلهم    اليوم
       نشوف  اطرادهم  , والدمع
                    مذروف
                         +
دوس  اعله  الدواعش   ياضوه  العين
            وما يهمك طبلهم .. كله
                   مزروف
                        +
الامل  بيك   انعقد  , ياسيف   العراك
         تحز اركابهم , واتزين
                   الصوف

الموضوع السابق صفـقـة سـريـعـة في سـوق داعـش

قناتنا على التلغرام : https://t.me/kitabat