صفحة الكاتب : امل جمال النيلي

حبيبتي هي مين
امل جمال النيلي
أقف دقيقة
أسمع كلامي وافهمه
أنسي انت مين
يمكن تعرف هي مين
حبيبتي عروسة حلوة
وعيونها بريئة
ضحكتها صافية
من قلب عامر بالإيمان
حبيبتي عنوة رايقه
ساعة عصاري في الميدان
حبيبتي شمس منورة
نورها يهدى الألوف
فجرها يزيح التخلف
علمها سبق الشعوب
فيها مسلم ويا مسيحي
أخوة عاشوا من سنين
حبيبتي نيلها يروي
الغريب قبل القريب
مفرقتش ده لونه ايه
ولا حتى دين
ولا حتى منصب
حبيبتي علي ضفة نيلها
مركب شراعي في المغربية
ولمة حلوة
وبنية صافية
وضحكة عالية
والعندليب صوته
يمس القلوب
صوته مصري
ودمه مصري
من زمان مكنش فيه
إلا أنت مصري
مكنش فيه أنت آخواني
ولا علماني ولا لبيرالي
كان بس فيه أنت مصري
علي ضفتك قال الأحبة
أحلي الكلام
حلموا بلقمة وعيشه هنيه
وبيت صغير
والا الحب .. حرام
وأوي تنسوا خير بلادي
من سنين ما القحط
غزا فى الشعوب
مغمتش عينها
وقالت ده خيري
وليه في خيري
يقاسمني غيرى
كانت حبيتي فارده جناحها
وفاضت علي العالم بخيرها
وقتها خيرها كفي الشعوب
وآه عايزين يحرموني من خيرك
على وتبقى التمشية
 
ويا أخويا وأمي وأبويا
ذكري وننساها مع السنين
بس مهما يعملوا
وللعالم يصدروا
كذبة محبكة
وسيناريو مجهول الهوية
مين أنضرب ومين ضرب
وإحنا يا عيني محتارين
أنت الصادق والا الكاذب
أنت الصح والا الغلط
أنت الموت والا الحياة
والا أقولك
روحي بأيد اللى خلقني
مش بأيد عبد أتخدع
أنت آخواني
ولا ذي ملكش في الأحزاب نهائي
دمي وقلبي مصري
وهفضل طول عمري مصري
بس ايه اللى حصل
فجأة نسينا اللى جمعنا
وبالحجر والرصاص
رميت أخوك
وفي الوسط ناس مصابه
أختي وأخوك
ماتوا وسابوا ورآهم
قلوب تأسي من الفرقة سنين
وآه يعيني ما إلا فاتونا
وحقهم لسه مجاش
وعيون تبات تبكي عليهم
وأتيتمت عيون قبل ما تشوف
نور الصباح
لما ماتوا دمهم علي أرضك سال
كان يومها مكنش فيه
غير أنت مصري
تسمح دقيقة وفهمني
ليه أتقسمتم
في البيوت والميدان
بدل ما كنا أخوة عال
صورة بابتسامة بريئة
جمعتنا لما كنا في الميدان
نهتف ارحل
وقتها مريم ويا خديجة
أيد بأيد
يحموا بعض لما الضرب
ينزل عليهم ذي المطر
وادي أحمد شايل عيسي
بصوت ارحل ارحل
وقتها كنت ايه
كنت مصري
فجأة أتقلب الميزان
والضرب ساد في الشوارع
هما مناهم يشوفنا كده
أصل أيدنا لما كانت واحدة
اهتزت قلوبهم
عرفوا إن المصري
لسه شايل جو قلبه
أرضه وأخوه
إللى وقت الشدة جنبك
خايف عليك
وفي الفرح ماستناش دعوة منك
قولي يا صاحبي وأختي وأمي
وأبويا و جدي روحتوا فين
هجرتم وله لسه موجودين
عرفت حبيبتي هي مين
وبقت مين

قناتنا على التلغرام : https://t.me/kitabat


امل جمال النيلي
 (للدخول لصفحة الكاتب إضغط هنا)

    طباعة   ||   أخبر صديقك عن الموضوع   ||   إضافة تعليق   ||   التاريخ : 2013/07/11



كتابة تعليق لموضوع : حبيبتي هي مين
الإسم * :
بريدك الالكتروني :
نص التعليق * :
 



حمل تطبيق (كتابات في الميزان) من Google Play



اعلان هام من قبل موقع كتابات في الميزان

البحث :





الكتّاب :

الملفات :

مقالات مهمة :



 إنسانية الإمام السيستاني

 بعد إحراجهم بكشف عصيانها وخيانتهم للشعب: المرجعية الدينية العليا تـُحرج الحكومة بمخالفة كلام المعصومين.. والعاصفة تقترب!!!

 كلام موجه الى العقلاء من ابناء شعبي ( 1 )

 حقيقة الادعياء .. متمرجعون وسفراء

 قراءة في خطبة المرجعية : هل اقترب أَجلُ الحكومةِ الحالية؟!

 خطر البترية على بعض اتباع المرجعية قراءة في تاثيرات الادعياء على اتباع العلماء

 إلى دعاة المرجعية العربية العراقية ..مع كل الاحترام

 مهزلة بيان الصرخي حول سوريا

 قراءة في خطبة الجمعة ( 4 / رمضان/ 1437هـ الموافق 10/6/2016 )

 المؤسسة الدينية بين الواقع والافتراء : سلسلة مقالات للشيخ محمد مهدي الاصفي ردا على حسن الكشميري وكتابيه (جولة في دهاليز مظلمة) و(محنة الهروب من الواقع)

 الى الحميداوي ( لانتوقع منكم غير الفتنة )

 السيستاني .. رسالة مهدوية عاجلة

 من عطاء المرجعية العليا

 قراءة في فتوى الدفاع المقدس وتحصين فكر الأمة

 فتوى السيد السيستاني بالجهاد الكفائي وصداها في الصحافة العالمية

 ما هو رأي أستاذ فقهاء النجف وقم المشرّفتَين السيد الخوئي بمن غصب الخلافة ؟

 مواقف شديدة الحساسية/٢ "بانوراما" الحشد..

أحدث مقالات الكتّاب :


مقالات متنوعة :





 لنشر مقالاتكم يمكنكم مراسلتنا على info@kitabat.info

تم تأسيس الموقع بتاريخ 1/4/2010 © محمد البغدادي 

 لا تتحمل الإدارة مسؤولية ما ينشر في الموقع من الناحيتين القانونية والأخلاقية.

  Designed , Hosted & Programmed By : King 4 Host . Net