قصيدة / سم الغدر
سعيد الفتلاوي

عَزي الولي الكرار حيدر ولينه

وانعه الكريم اليوم ابن الامينه

 

..............

 

بْسم الغدر صابوه للسبط الاكبر – روح النبي المختار چبده التفسر

 

بْطشت المنيّه طاح چبده او تطشّر – انصاب الحسن مغدور بارض المدينه

 

..............

 

ويَّ ابْن ابو سفيان كتبت عهدها – لجل الذهب والمال باعت سندها

 

سمّت امام الدين خانت عِمَدها – وِتْريد ابن ميسون جعده اللعينه

 

..............

 

ينظر لخيّه حسين روحه او حبيبه – ويْگله خويه حسين عندك مصيبه

 

عْيالك يبو الاحرار تصبح سليبه – وبْكربله ايْذبحوك اهل الضغينه

 

..............

 

بعدك يخويه اتصير زينب سبيه – للشام اختنه اتروح لابن الدعيّه

 

واتشوف الم واهات منّه او اذيه – وْتگضي العمر بالنوح زينب حزينه

 

..............

 

والرمله صد او گال حفظي الامانه – قاسم يرمله ايصير فارس زمانه

 

بْهذا الدرع والسيف يضرب عدانه – للظالم الغدار جاسم يدينه

..............

 

مات الحسن مسموم موته مريعه – بآل النبي الاطهار حلّت فجيعه

 

ماراعو الظلّام حرمه او شريعه – فوگ الظلم والجور او مْسممينه

 

..............

 

سهام الحقد والغيض صابت نعشها – جثّة كريم البيت منعو دفنها

 

هالحاله ابو الاحرار يعلم خبرها - يم جدّه مادفنوه مهجة نبينه

 

الموضوع السابق حنين الكلمات

قناتنا على التلغرام : https://t.me/kitabat