ثـار الـلّـه .... هكذا ننظر للحسين ( ع )
حامد گعيد الجبوري

أعتنيتك......

والحزن ثوب

والخطوه الطريقك .....

باب جنه

نهضتَك.....

ذو الفقار ، وصوت الأحرار

وكل كطره أبدمائك

مشعل وثوره

تمر دنيه ... تجي وتروح

وسيوف ( الشموره )  أتحاصر الحضره

الغُره أبكصتك ...

نورّت ظلام الكون

وخطت ع التراب آمال

وبدفتر صمودك نكتب ونقره

وعلى باب الضماير...

ذاكه جف عباس

بعده الجود بيده وينزف الثوار

يروّي للعطاشه ويحضن الفقره

والأكبر...

يبو الأكبر وأشعظم بلواك

وعبد الله الرضيع ..

القاسم والرباب

وصرخة الأَسره1

وصوت أم الحزن صرخه ...

وتهد أعروش

أنهتك ثوب الصبر عريان

فصلت من دمعها أهدوم...

وبطيبة الخاطر ...

رجعت ستره 

تشخصلّك نواظر وأنت ثار الله

ويا ثار الآله الماكشف سره

ياسر الوجود...

وحكمة الجبار ...

طالت والعمر ...

ما بعد يحمل طول

ولا باب الفرج مفتوح...

                        ونمره

                        ***

1 : من الأسر

 

الموضوع السابق غيمة بيضاء

قناتنا على التلغرام : https://t.me/kitabat