الخيط * ( الى الشاعر عبدالله مطر )
د . عبد الجبار هاني

  الليل عريض                

 وانا وحدي خلف الحيط 

 زيّ دخان 

من بين شفايف ذبلانه ...

 معرفش رايح  فين  

 يخذني زمان                                                                                 

 ويجيبني زمان 

 ونا بين ... وبين

 لا في أحباب                                                                    

 ولا  حدّ يخبّط عالباب 

 لا طيف خليل 

 ولا ضيف ثقيل ...

 ولا حتى صوت 

غير صوت الحوت ...

في بحر عريض 

وليل طويل  

ودخان سجاير ...

زيّ سحابة صيف

أو أيّ كلام معسول 

من فوق شفايف ريّانه 

ميجيبش رغيف 

ولا يفتح باب مقفول

ونا وحدي خلف الحيط 

بأديّه الخيط 

ونا صاحي لحدّ الفجريّه

برسم حكايات 

لأمينه العاشت غلبانه                       

هيّ وعيالها الغلبنين 

في وسط زريبه

في أرض بلدنا الريّانه

وأمينه من الصبحيّه

بتدوّر ع الرصيف

عن قرص الشمس

م أمينه جوزها التعبان 

من  كُتراليأس 

زيّ البالون

في ليل عريض 

من غير حسّ                                                                            

طب في سُكات 

وأمينه بين ليل وآهات                                                                          

مُش عرفه تعمل إيه ولّا إيه

عايشه غريبه

لا حدّ يسأل عنها 

ولا حدّ يقرّب منها 

ما هيّ ف وسط  زريبه

خلف الغيض 

ونا  لسّه خلف الحيط 

بأديّ الخيط 

وجوّاي صوت :

-   يا أمينه خبّريني يبويّه 

   عن أهل بلدنا المتاعيس 

   الليل واخذهم يا أمينه 

   لبعيد ومفيش فوانيس  –

ونا وحدي  خلف الحيط 

بأديّ الخيط ..

برسم  كلمات 

لزمان واقف خلف الحيط 

وزمان نايم  ف سُبات                                                                                                                                                                                                               

في بلاد عريضه 

بتعيش فيها الخفافيش 

وبتهجرها العصافير ...

لبلاد م فيهاش أعاصير 

....  من هنا وهناك 

ولا أشواك 

ونا وحدي برّه الحيط

بأديّ الخيط 

أشوف كثير 

في صفّ عريض 

وصفّ طويل

ولا حدّ هناك ...

 

*الخيط  : من بين ما كتبته باللهجة المصريّة

الموضوع السابق الأصنام مسرحية شعرية من فصل واحد

قناتنا على التلغرام : https://t.me/kitabat