قصيدة " ورطة "
حيدر حسين سويري

هي ورطه

من تطيح بأيد شرطه

ما يفيد عياط من توصل الشحطه

ولا تفيد فلوس لو تترس الجنطه

هي ورطه

من تصير الركضه فحطه

وراح حيلك والبدن كلساع خرطه

والجان يمك فر سويجه والشخط هالشخطه شخطه

هي ورطه

يوكلك دنان الجنت تنطيه حنطه

تمد اله ايد المعونه وهو الك يتمنى جلطه

وكل سهم من عنده جارح

جابه وسط الكَلب حطه

هي ورطه

الشعب بالحرمان عايش

والحكومة تكَول بطه

غركَـ والحاكم ينادي:

جمل الغركَان غطه

هي ورطة

برلمان الحكم بينا

كثر ماله وصار طنطه

والأكل كنتاكي قرمش

واسبكتي وفوكَه شطه

والملايين تتطاشر

الك خمطه واله خمطه

والشعب يجمع قواطي

والقهر في صدره حطه

هي ورطة

تعيش ورطه تموت ورطه

تحجي ورطه تنوح ورطه

عدنا لايام الجهاله ولن ابوسفيان يحكم

وبيد أُميه لن صدكَـ رجعت السلطه

.....................................27/8/2019

الموضوع السابق كعب بن زهير: قصيدة ( البردة) في مدح الرسول (ص)، نظرة تحليلية، حياته

قناتنا على التلغرام : https://t.me/kitabat