فرح ايمان
الشاعر محمد الدعمي

 دخل موكب غديرك يافرح ايمان...

              محاريب الوكت نادت أنس والجان

يهل عيدك دخيلك يا علي حيدر 

           مشي نمشي والك نهدي عمر وازمان 

تنامى من نقاء الشوك يا حيدر

                    علي انت مرافينة ذخر وامان 

نباركلك مباركتي فلا تكفي

           اشد شوك العمر فرحة والك رضوان 

عهد ينبوع من عمري فده عيدك

            وتظل انت فخر شيعه ومجد عنوان

شفت عيدك وعشت عيدك وسط روحي

           عشكتك يا علي حيدر عشك وجدان

اظل الهج علي باسمك وعيدك

مبارك من غديرالحب وعيدك

وعيد الشيعة يا حيدر وعيدك

فلا يبكه ابد داعش بهلبريه

 

تهل فرحة غديرك ياعلي طيبه

              تحت راية محبتك  نظل اخوان 

 نبض واحد  سره حبك عزم بينه

          كلب واحد الك نسري بالف شريان

غديرك يا علي حيدرجسر يمتد

               بالف فرحه مجد خالد وعلو شان

سفينه ياعلي محبتك تنجينه

                 اذا يسري على الدنيه بالف طوفان

الك انشد قصايد شوك يا حيدر

                   بلا  حبك فلا يكدر يعيش انسان    

غدير الحب صفه حبك غدير الود

                  غدير العز غديرك يا غدير امان

الموضوع السابق تسابيح على شفة الغدير

قناتنا على التلغرام : https://t.me/kitabat