بطاقات شعريه بمناسبة عيد الغدير
سعيد الفتلاوي

بطاقات شعريه بمناسبة

بي عيد الاضحه وْ عيد بيعة ابو الحسنين

 

هل شهر الولايه وْحقنه نفرح بيه

بي عيد الغدير بْشوگ متلگيه

 

للولي الكرار جينه مْبايعين

اليوم شال ايد الوصي طه الامين

 

اليوم جبرائيل ناده وْ يالنبي

والولي عْليكم علي هوّه الوصي

 

مْبايعينك دوم مو بس بالغدير

يا وصي المختار ما غيرك امير

 

اليوم هل عْلينه عيد الله الچبير

ديم هالافراح يالباري القدير

 

من اغله الايام يومك يالغدير

بيك الوصي الدرعلي تْنصّب امير

 

انت الامام الاولي وْمفروض من واحد احد

صهره وْ حبيبه للنبي بالكون مثلك ما انوجد

 

بْعيد الغدير افراح عدنه وْ مسرات

من افضل الاعياد عيد الكرامات

 

يا نور الانوار يا خير العمل

من اغله الاعياد عيدك يالبطل

 

ادعي يربي تْكون هاي المسيه

فرحه وْ سعادة وْ نور عالجعفريه

 

مانگدر انعوف حب حامي الحميه

بْنور الامامه البي نتحدّه المنيّه

 

مذهبنه ياهالناس مذهب تقيّه

ما يقبل التجريح مابي اذيّه

 

من النبي المختار والدر اَخيّه

تْعلّمنه معنه الدين يالناصبيّه

 

نْبايع لبو الحسنين حامي الحميّه

ميهمنه كلّ ارهاب شر البريّه

 

غيض النواصب صيح حيدر ولينه

بالدنيه عيد اليوم وبْكل مدينه

 

ناديَنه يالرحمن فرّج علينه

بْجاه الغدير نْريد طلعت ولينه

 

بْحبك امام الكون دايم فرحنه

يا حيدر الكرار حبّك ذخرنه

 

نِكرو يبو الزهراء بيعة ولِينه

اهل الظلم والجور گوم الضغينه

 

اليوم هل عْلينه عيد الله الچبير

ديم هالافراح يالباري القدير

 

البعل البتول اليوم مشّايه اجينه

وانبايع المنصور للحق دعينه

 

بايعنه يا زهراء فخر الهواشم

نفس النبي المختار راعي المكارم

 

الموضوع السابق المتنبي يستنطق النخوة والقيم في قصيدته "على قدر أهل العزم"

قناتنا على التلغرام : https://t.me/kitabat