ساكت ياوطن
عبد الخالق المحنه

 ساكت ياوطن والحرگَه تاكل بيك

لو خايف بعد والسكته من خوفك

من حرب الحرب جبنه العمر وياك

من اكل الجثث ما ينترس جوفك

ومابيك الذنب گول الذنب چا وين

يمكن نعتذر لو نفهم اظروفك

تقبل ياوطن؟ يرضيك هذا الحال

ناسك للأسف تتراكض اتعوفك

وتقبل ياوطن؟ شبّانك الحلوين

تتغرب غصب تحرمهه من شوفك

جاوب لا تظل ساكت يـبو الثورات

عشرينك بعدهه اتعيش بطيوفك

من طور الحزن ملينه ما ملّيت

چاطور الفرح ما تعزف ادفوفك

من اريد الفرح بس كون اريدك سيف

موعيب بغمده اتنامهه اسيوفك

وبايگ ما صرت ما خاف من جلاد

مو هذا شعارك هذه معزوفك

چاشنهو التغير؟ يا عراق شبيك

ثار حسين ذمه بشيبة ازلوفك

وشعبك من عطش رادك مثل عباس

يعني حسين شعبك وارضة اله اطفوفك

لكن للأسف ماكوا مثل عباس

ومانوصل عشر ياحسين لحروفك 

الموضوع السابق عبر الأثير..

قناتنا على التلغرام : https://t.me/kitabat