يا حكيم ابروح ماري
عباس طريم

الاستاذ الفاضل , حكيم عبد الزهرة المحترم

مدير اعلام امانة بغداد / ارجو ان لا تزعجكم الكلمة الحرة

 

يا حكيم  ابروح ماري

_______

 

ياحكيم  ابروح  ماري  ... مو الك  تصريح ناري

كلت  بي  ان  الامانة  ...  كملت   كل  المجاري

               +      +     +     +

صرحت من جان صابر ... كلت في تصريح عابر

شركة او  اس  ان  بر  ... باشرت والعمل  جاري

                        +   +   +

وهاي عشر اسنين ننطر ... والسكف  من المطر خر

اخذ  ملياراتنه  وفر   ...  واشتره  اقصور وفراري

                       +       +      +

زايرة  رمانه  صاحت ...  واحكيم   ثم     طاحت

الصريفة  البيهه طارت ...   لاجدر ظل لا قواري

                 +        +        +

اليوم  موعد  فصل سامي ...  وبالبلم   كعدو  عمامي

انكلب  بيهم مات رامي ... وعشره  منهم بالطواري

                   +       +      +

 

غرك  كل  شعب العراقي ...  بس  دجاج  اعبيد  باقي

عمت  عيني  ظل  يقاقي  ...  وصار حصة عتوي جاري 

                    +     +     +

الماي  دش  بكل غرفنه ... مات  راضي اشلون  دفنه

 لا   تبرر  روح    كفنه  ...  من غضب  ربك حذاري

                      +       +      +

يا حكيم  اتقوا  ربكم   ...  فاشل      ابفاشل   عملكم

استقالو  ابساع    كلكم  ...  مثل أي  شهم  وحضاري

                        +     +        +

يا حكيم  اتكول خلصت  ...  انهار  مثل الصين شهدت

امطرت  والديرة غركت ...  وين  جا خويه   المجاري

                        +      +         +

يا امانة  اشلون  بينه  ...  وانتي   امنه  ومو  امينه

  حصره  بالماي ,وتجينه ... اتصرحين  الخبر  عاري               

+      +    +      +     +

الموضوع السابق تخبطات

قناتنا على التلغرام : https://t.me/kitabat