يهناك ياغـدار كسـر الخواطـر
يهناك تتبسم ونفسـي صريعـه
كنت امسح الدمعة بعينك واشاطر
همك على قلبي وامـرك اطيعـه
هونت لعيونك جميـع المخاطـر
واهديتك بروحي مكانـه رفيعـه
قف ياضرير العين لحظـة وناظـر
قف وامسح ادموعي ورد الصنيعه
لي عاد لي عندك وجاهه وخاطـر
ارجوك قبل تـروح رد الوديعـه
قلب الغبي لي كان في يوم شاطـر
واليوم جرعتـه سمـوم الخديعـه
ياناقـش الحنـا وياغيـم ماطـر
كيف الوصال اليوم اصبح قطيعه
بالامس كان الجو عودي وماطـر
والحيـن يخنقنـا بريحـة شنيعـه
بقراء على نفسي تبارك وفاطـر
والحب لا يؤمَن ولا لـه شريعـه
قناتنا على التلغرام :
https://t.me/kitabat
قناتنا على التلغرام : https://t.me/kitabat