احباب الحسين
سعيد الفتلاوي

مشايه لجل حسين وتْعزي الاطياب

طفل او ابوه اوياه قصّتهم احزان

 

صعبه او طريق ابعيد واتحيطه الاخطار

لابنه الابو ايباريه وگليبه لهفان

 

وكلما يشربه الماي بچفوفه يرويه

ويعلمه بالمظلوم والمات عطشان

 

بْلحظه انفجار ايْصير ويطشْرِ الاجساد

صاح الابو يا ناس ابني ابهالامچان

 

وينك يبويه ايصيح جاوبني ارجوك

طايح لگاه مذبوح وبدمّه غرگان

 

گام او حفرله اهناك بمچانه خلّاه

وراح الابو الاحرار يشكيله حزنان

 

اقراه الروايه او شوف احباب الحسين

ما همها كل تفجير مليانه ايمان

الموضوع السابق قصة قصيرة ولا ... حتى في الخيال

قناتنا على التلغرام : https://t.me/kitabat