صفحة الكاتب : حامد گعيد الجبوري

أيام المزبن
حامد گعيد الجبوري

 

أحاول مجاراة قصيدة الرمز العراقي الكبير الشاعر مظفر النواب
دك راسك إبكاع العرس    
أيام المزبن كضن

خلاني نيشان الدهر       
بالكوز سدد نبلته        
لا بيه أشاكف غدرته         
لاتشتكي ظيم الدهر     
لو شاف رجه بالرجل 
أيام المزبن كضن            

غركان واليغرك يظن
لا عون مد أيده إلي
علكت عيني بالسمه
هلبت يعاين حالتي
دعوه ونخيته  بالشته
أيام المزبن كضن

 
كلناهه غيمه وتنجلي
وظلينه ننطر جيته
لا كطرة نزلت للزرع
والنوبه ما طلعت شمس
دك أنكر وشال السلف
أيام المزبن كضن

 
كالو شمسكم بينت
ملينه من ليل الظنه
الدنيه موعوده أبفرح
مدينه نلكط فرحته
شو طلع سيباط العنب
ايام المزبن كضن

 
شمطلوب إلج يا دنيتي
أشحصلنه من كل الجزه            
والناس وكفت تستهل
أفتحنه شبابيج الضوه
أحديثات بجفافي العرس
أيام المزبن كضن

ألبست البياض أتغرنكت
حسبالي مثلي أبلهفتي
أنخلنه مراجلكم زمط
عضينه مية أصبع ندم
ردينه لهدوم الجِرد
أيام المزبن كضن

أبسبعة قوالب غسلت
وخايف تسولف صحبتي
أشجم هافي يتشلبَه البخت
بس سمع دكات الطبل
وميزان مقياس العقل
أيام المزبن كضن


نايب ومنتخبه الوطن
كل سنه إيحج ويعتمر
المعروف حرمِي من أمس
مسبحه وسجاده غوه
من راتبه أنعين ألف
أيام المزبن كضن

 بويه (مظفر) مو كلت
هم زين عندك هل البخت
ألمن ندير أحنه الوجه
الفيل شدوله جنح 
والشاذي جامعلَه ربع
لا تظن بيبانك أدك
لا غرشه عندك لا تتن

 
 
 
 
**
 
 
 
 
 
 
**
 
 
 
 
 
 
**
 
 
 
 
 
 
**
 
 
 
 
 
 
**
 
 
 
 
 
 
**
 
 
 
 
 
 
**
 
 
 
 
 
 
 
 
**
 
 
 
 
 
 
 
**
 
 
 
 
 
 
 
**
واصعد أمراجف للدف
دكضن يأيام اللف

 
وزيّر وتر نشابه
نيشن أبكلبي وصابه
ولا تنفع العطابه
وأكباله لا تتوسف
يفتل أحباله ويلتف
دكضن يأيام اللف

 
أبسباحه ينجه الغركان
ولا شفت نخوة بطران
مهموم وأدعي الرحمان
ويحن علّي يتلطف
بالصيف نزلي الشف
دكضن يأيام اللف

وتذب مطرها وتصحه
يغسل أكلوب الملحه
أتبخ الكلب وتفرحه
وكيّل شتانه وصيّف
والضيف ظل يتضيّف
دكضن يا أيام اللف

 
وجرينه الف هلهوله
وليل الظلام إشطوله
والفرح بيدك نوله
دبجات صفكه ونحتَف
من أمس كاضي أمنظف
دكضن يا أيام اللف

كل العُمر ما وفه
غير اللَهط و الهُرفه
جية العيد أبلهفَه
والفرح جانه وهرّف
وكليبي لكليبك رَف
دكضن يا أيام اللف

وأتفرعت تانيكم
وشوك البكلبي بيكم
خابطكم وصافيكم
لا وينه جم جف وجف
ويوميه من طف الطف
هم تكضي أيام اللف

أبصابون سبعه وسبعه
حاقد طموحه الرجعه
وبيده يطيِّح ربعه
فحطان يركض كييّف
والحرمَه أوزن للخَف
هم تكضي أيام اللف

 
 
مو بس مغانم كاسب
طينة إمام النايب
جَواهه كصتَه وتايب
وللمال يجمع ألف
وجم عاطل اليتوظف
دكضن يا أيام اللف

دهري وكع ناموسه
لا يذلك أبجاموسه
والبشر دينه أفلوسه
وبالسمه طار ورفرَف
وللهجع يركص  بالدف
وعن طلبتك أتعفف
لا أمزبنايه ولا لف
                                                           

قناتنا على التلغرام : https://t.me/kitabat


حامد گعيد الجبوري
 (للدخول لصفحة الكاتب إضغط هنا)

    طباعة   ||   أخبر صديقك عن الموضوع   ||   إضافة تعليق   ||   التاريخ : 2011/01/01



كتابة تعليق لموضوع : أيام المزبن
الإسم * :
بريدك الالكتروني :
نص التعليق * :
 

أحدث التعليقات إضافة (عدد : 1)


• (1) - كتب : عباس ناصر من : العراق ، بعنوان : شكرا استاذ في 2011/01/01 .

بويه (مظفر) مو كلت
هم زين عندك هل البخت
ألمن ندير أحنه الوجه
الفيل شدوله جنح
والشاذي جامعلَه ربع
لا تظن بيبانك أدك
لا غرشه عندك لا تتن

احسنتم استاذ حامد على هذه الابيات
فقد ذكرتنا بايام المزبن لا اعادها الله




حمل تطبيق (كتابات في الميزان) من Google Play



اعلان هام من قبل موقع كتابات في الميزان

البحث :





الكتّاب :

الملفات :

مقالات مهمة :



 إنسانية الإمام السيستاني

 بعد إحراجهم بكشف عصيانها وخيانتهم للشعب: المرجعية الدينية العليا تـُحرج الحكومة بمخالفة كلام المعصومين.. والعاصفة تقترب!!!

 كلام موجه الى العقلاء من ابناء شعبي ( 1 )

 حقيقة الادعياء .. متمرجعون وسفراء

 قراءة في خطبة المرجعية : هل اقترب أَجلُ الحكومةِ الحالية؟!

 خطر البترية على بعض اتباع المرجعية قراءة في تاثيرات الادعياء على اتباع العلماء

 إلى دعاة المرجعية العربية العراقية ..مع كل الاحترام

 مهزلة بيان الصرخي حول سوريا

 قراءة في خطبة الجمعة ( 4 / رمضان/ 1437هـ الموافق 10/6/2016 )

 المؤسسة الدينية بين الواقع والافتراء : سلسلة مقالات للشيخ محمد مهدي الاصفي ردا على حسن الكشميري وكتابيه (جولة في دهاليز مظلمة) و(محنة الهروب من الواقع)

 الى الحميداوي ( لانتوقع منكم غير الفتنة )

 السيستاني .. رسالة مهدوية عاجلة

 من عطاء المرجعية العليا

 قراءة في فتوى الدفاع المقدس وتحصين فكر الأمة

 فتوى السيد السيستاني بالجهاد الكفائي وصداها في الصحافة العالمية

 ما هو رأي أستاذ فقهاء النجف وقم المشرّفتَين السيد الخوئي بمن غصب الخلافة ؟

 مواقف شديدة الحساسية/٢ "بانوراما" الحشد..

أحدث مقالات الكتّاب :





 لنشر مقالاتكم يمكنكم مراسلتنا على info@kitabat.info

تم تأسيس الموقع بتاريخ 1/4/2010 © محمد البغدادي 

 لا تتحمل الإدارة مسؤولية ما ينشر في الموقع من الناحيتين القانونية والأخلاقية.

  Designed , Hosted & Programmed By : King 4 Host . Net