لكاني بالسره ولازم الطابور
وكال افلان .. ما ممكن
محاله
انت الفيلسوف الحيل مشهور
والشاعر البارع في
مجاله
تلزم سره اعله الصمون بالدور
ياعباس هاي اشلون
حاله
وكال الصاحبه عباس مشهور
في فن القصيدة
والمقاله
مثقف حيل , والميعرفه معذور
وشاعر يخسر اليسعه
النزاله
اذا تسمع اشعاره.. اتطيح الطيور
شعر رومانسي ايخبل
جماله
وكال ابكل صراحة, انكول طرطور
اليتحداه واليوكف
اكباله
اليتحداه ايسكفه ابوسط تنور
واللي ايجادله.. يخسر
جداله
التفتلي صاحبه وكلالي ماجور
المثقف واعي وصاحب
رساله
وكال اني اعتبر كتابنه.. النور
اليشع منه الضياء , ومثل
لاله
رموني بالمدح عشرين شاجور
وبس اتحركت.. كالو
اشماله
صدك.. من كتب دار , وكتب دور
صار البحتري الماكو
مثاله
يسمعنه شعر يشبه البعرور
وما عدنه دليل , الشعر
ماله
ونضطر نستمع , وانكله مشكور
صديق.. وحته ما انخلي
اباله
كلما شاف اله سطرين منشور
تجينه بالعجل منه
رساله
سمعت الاخ يكل الصاحبي: زور
تطعن بيه , وتمدح بيه
اكباله
ويرد صاحبي ويكله مجبور
مخبل لابد انساير
اخباله
وكله وداعتك فارغ اومغرور
ومسودن ايسولف وي
خياله
مو بالجار كالو , ولا المجرور
الرجل ينقاس ياصاحبي
ابماله
الحيد اليمتلك سيارة وقصور
موش الحاير ابعيشة
جهاله
المثقف بالعراق اهناك مشمور
ومثل حال العليل الطاح
حاله
الشاعر في بلدنه ابنكره مطمور
امتاني امن السمه توكع
حواله
حزين وابد ما شفناه مسرور
اليشوفه ايكول : فال الله ولا
فاله
شهور اتمر عليه واتعدي اشهور
شوكت ما جيته يشكي من
البطاله
الجكاره والورق , وابركن محصور
ويكتب هاليجي ويخطر
اباله
يسولف ويه روحه وجنه مسحور
يخلص وكته في قلنا
وقاله
كل شي ابهالحياة ايظنه مكدور
واليحلم بيه يتطبق
عباله
حكومتنه العزيزة اتشوفه مغمور
وحصته امن الجدر بس
الوشاله
الموضوع السابققناتنا على التلغرام : https://t.me/kitabat
.jpg)
