قصيدة / يا زهره الحزينه
سعيد الفتلاوي

حَزانه عليچ يا زهره الحزينه
ابد والله ما تنسه المدينه
............................................
ظلم واحقاد شفتي يا جليله
اثر مسمار هالحاقد دليله
نظل ننعاچ مولاتي العليله
غدرصابوچ هالزمره اللعينه
............................................
برائه يريد من دمچ يزهره
نكر ما صار رايدهه تعذره
دعت ربهه عالظالم يحشره
مع الطاغوت بالعار اليدينه
............................................
مشيئه تدوم احزان الكريمه
ثلث مرات ذكراهه الاليمه
قدر تنعاد هالذكرى العظيمه
يدوم النوح لمصاب الحنينه
............................................
ظلع مكسور اسباب الشهاده
وابنهه الراح منهه بلا اراده
سگط مظلوم ما صارت ولاده
تظل هالروح حزنانه وْوِنينه
............................................
الم واهات من اهل السقيفه
امر ملعون عالبضعه العفيفه
لفو للدار مسكنه الشريفه
جفو هالدار حرگوهه الامينه
............................................
نبي الاسلام واضح بالوصيه
تجيچ الگوم بعدي بالرديه
تره تشوفين كل هاي الاذيه
بحلم وايمان صبرچ عالضغينه
............................................
عهد للموت ما ننسه اَلمهه
يظل للدوم بالعالي اسمهه
يجيه اليوم ابنچ من يلمهه
تريد الناس قائد للسفينه

الموضوع السابق فداك نفسي يا ابا عبد الله الحسين

قناتنا على التلغرام : https://t.me/kitabat