بعد يحسين ضلت يمك وحلهه 
الشاعر علي زيدان الفريجي

بعد يحسين ضلت يمك وحلهه 
لو نحيي المجالس لو نأجلهه 
             ........... 
بس ترفع اجفوفك الله كلك هاك
لان انت الحسين الما يرد دعواك
كلشي انطيت لالله والله كلشي انطاك
مضلوم و دعوتك  الله يقبلهه
..........
يا مولاي ربعك طاحو بشده 
ما معقول تمشي وبابك اتسده
ألزم هذا الوباء بجفك ورده
من جيت الضريح الناس عطلهه
             ...............
وحق  ذاك الرضيع الما شرب گطره
انه اعله المجالس روحي متحيره
باجر عالمواكب تنشد الزهره
يا مولاي  بس گلي شنگللهه
           .............
ضريحك يا زمان تعوفه زوارك
ما مشتاگ انت اتشوف خطارك
امشي اعليك ذاك الياخذ بثارك
قبل جيت محرم كونك تحلهه
            ..............
حجايه بروحي تاكل لازم احجيهه 
باجر أربعينك ياهو يحييهه
وزينب لو اجت يا هو  اليواسيهه
توصل للعراق وما اندللهه
           ...........
تخيل باربعينك ماكو اقرايه  
ولا بين الشوارع ترفع رايه
صدگ يحسين تقبل ماكو مشايه 
وگبتك بس سلام الناس يوصلهه

 

الموضوع السابق كاظم المنظور

قناتنا على التلغرام : https://t.me/kitabat