رساله الى السيد علي السيستاني حصراً
الشاعر الحسيني ذوالفقار جلعاوي

فركت حلوگهم من سولفت بالحگ
يلمعلم المضايف تحجي طگ ابطگ
خسه من گال عنك متت ماموجود
ماسامع رعيدك ساعة التزهگ
وينه اوينه من الحفره طلع راس
وين الجان لابد ساعة التحمگ
جانوا وين من جان الرصاص الحار
من ذاك الرعيع اعله الشعب تفّگ
من جروا إحديثه ونزعوها احجاب
من جان الشرف عالشرف ما يلحگ
يا ابيض مشاعر والگلب والشوف
غيرك باطنه ويه الظاهر املثگ
يل صاين وطن جم رگعه ثوبك بي
وغيرك لبس كلشي وطالع امشگگ
ما عرگت گصصهم نقص بالاخلاق
ونته اعله اليشتمك گصٍّتك تعرگ
كلهم سولفوا بس بينوا خرسان
ونته الساكت وبس صوتك امصدگ
أشر وحنه سيف ابيمنتك مولاي
بس انته التلوگ اتأشر امعلگ
يا سيد علي كل الحجوا بگفاك
بس انطينه فتوه احلوگهم تنشگ

الموضوع السابق همسات معتقة

قناتنا على التلغرام : https://t.me/kitabat