من قصص شُهداء الحشد الشعبي لماذا طلق سيد حيدر زوجته ؟ وماذا قال لها لقاضي ؟

ولماذا اخبر زملاءه انه ذاهب لمعاتبة الزهراء قبل استشهاده بلحظات ؟ 

اعرف السيد حيدر معرفة وثيقة لانه صاحب مبدأ وعقيدة ويعتبره البعض ومنهم ولدي المجاهد حسين ابو جهاد اب له .. 
الحقيقة لم اعرف تفاصيل طلاقه لزوجته ولم اعرف ان الحشد هو سبب الطلاق .. 
لذالك إلينا على أنفسنا نحن بعض الداعمين واصدقاء السيد ان يختار زوجة له ومهرها علينا ... 
في احدى زياراتنا لمقرهم وكان في أطراف الكرمة طلبنا من السيد ان يقص علينا قصته وبنفسه لانها قصة تستحق التوقف عندها .. 
اخبرنا السيد الشهيد حيدر .. 
انه بعد الفتوى الجهادية انخرطت في صفوف الحشد الشعبي وبعد فترة من ألزمن طلبت زوجتي ان اترك الحشد لانها تخاف عليه وان عائلتها وبيتها بحاجة له .. 
أخبرتها ان الحشد هو حياتي ومن المستحيل ترك الحشد ،، 
فوجئت وبعد فترة بسيطة ان ابو زوجتي وزوجته يخيروني بين الحشد وزوجتي ،، 
وإلا فانهم سيطلقون ابنتهم في المحكمة ،، رفضت هذا الكلام رفضا قاطعا وبقوة .. 
لكن شاءت الاقدار ان يذهبون للمحكمة بطلب التفريق .. بدأت المرافعات والتبليغات لي ،، وبما ان وحدتنا فوج الحسن نقل الى جبال مكحول وكانت المنطقة جدا خطرة فلم البي على اي تبليغ في المحكمة ولم اذهب للقاضي .. 
في احد الايام وبعد سماعي ان معركة شرسة تدور على جبال مكحول قررت قطع إجازتي والالتحاق مع زملائي .. 
شاءت الصدف ان يلتقي بي الشرطي المكلف بتبليغي في المحكمة والذي كل مرة يذهب لداري ولم يجدني حتى ان القاضي عنفه وهدده بطرده متهما إياه بعدم التبليغ .. 
وجها لوجه صرت مع الشرطي وانا حامل حقيبتي في الشارع وبملابسي العسكرية ،، لم يصدق الشرطي عينه حتى بدأ يبكي امامي .. 
سيد مروتك اليوم مرافعتك بالمحكمة والقاضي البارحة كالي اذا ما يجي حيدر أنقلك ،، سيد ايكلي انت ما تبلغه مروتك سيد .. 
عشر دقايق بس طب للقاضي وروح على مودي واني عندي جهال سيد .. 
ذهبت للمحكمة بكامل قيافتي العسكرية وانا حامل حقيبتي شاهدت هناك زوجتي ووالدها وامها ايضا .. 
وبما ان الشرطي مهتم بالموضوع سرع دخولي للقاضي وبعد فترة وجيزة دخلت على القاضي مع عائلة زوجتي .. 
انت اسمك حيدر ؟ نعم استاذ ،، وين تشتغل ؟ 
مجاهد بالحشد الشعبي ؟؟ بيا تشكيل ؟ لواء علي الاكبر فوج الحسن العسكري في جبال مكحول .. 
حيدر ليش ما تجي للمحكمة من يبلغوك ؟ 
استاذ اني ما متواجد ويجي هذا الشرطي خطية يلكة الباب مقفول ويرجع . 
حيدر زوجتك طالبة التفريق تدري لو لا ؟ 
اي استاذ بس لازم تعرف استاذ عليمن طالبة التفريق ،، 
اي عليمن حيدر ،، اتكلي لو اني لو الحشد .. 
وانت شدكول والله استاذ اني ما عندي وكت ألهذا الحجي المخربط حشاك ،، شنو لو اني لو الحشد ،، 
اسمع خل اكلك هسه وهمه يسمعون اني لو ما هذا الشرطي المسكين حتى ما اجي للمحكمة لان عنده عيال واخاف تنقلونه ،، 
وبعدين اني حاليا حتى ماعندي مهجة وخلك اسولف وياك لان اكو هجوم على ربعنه وكطعت احادي وملتحق ارجوك استاذ اسمعني الحشد عندي هو الحياة ولؤما الحشد لا انت ولا همه ولا اي واحد بالعراق جان هسه كاعد أبَيْته جان صرنه مجهولين ومشردين مثل المحافظات الغربية .. 
استاذ اصلا اني رحت للحشد على مود جهالي وعلى مود مرتي تنام مرتاحة وأهل مرتي وعلى مودك حتى تجي للمحكمة ومأمن على روحك وتحكم بالعدل ،، هو الحشد مو لعبه هو حياة وموت .. 
ارجوك استاذ 
ارجوك تخصم الموضوع هسه وتفرق بيناتنه لان لازم التحق وماعندي وكت .. 
طلك ،، طلك ،، طلك ،، استاذ 
كان القاضي مبهورا من كلامي حتى شعرت انه متفاجأ مما قلت .. 
التفت الى زوجتي واهلها وقال لهم ،، والله والله انتم ما تستحقون مثل هذا المجاهد وانتم ما تستحون وبدأ بتوبيخهم وتعنيفهم .. 
التفت علي ثانية قائلا سيد حيدر .. 
انت تستاهل حوريه مالت الجنه روح وليدي روح الواجبك الله وياك وربي يحميكم .. 
طلق سيد حيدر زوجته واكتفى بالحشد حياتا له .. 
استشهد السيد حيدر في معركة تحرير الفلوجة في الساعة السابعة مساءا بعد ان انتهت المعركة واستشهد من فوجهم اكثر من خمسة اشخاص وفي لحظة ما .. 
وقف سيد حيدر على الشارع المبلط وتحرك غربا لوحده وعندما ساله احد زملاءه 
الى اين سيد حيدر ؟ 
وقف السيد ملتفتا لمن ناداه .. 
خويه ابروني الذمه اني رايح عندي عتب وي مولاتي الزهراء .. 
اختفى السيد حيدر في أحراش تلك المنطقة الكثيفة لنفاجأ بصوت انفجار عبوه ناسفة على اثرها استشهد السيد حيدر .. 
رحمه الله له موقف يسجله التاريخ كان بطلا صنديد لا يهاب الموت..... ✌️ وانتصرت الفتوى بهم... 
قل رحمة الله...

الموضوع السابق الشهيد السعيد علي شناوة

قناتنا على التلغرام : https://t.me/kitabat