لو فعلها السيد السيستاني و نجله الأكبر السيد محمد رضا !؟ حينها ما انتم فاعلون؟
رضوان العيساوي

المقالات لا تُعبر عن وجهة نظر الموقع، وإنما تعبر عن رأي الكاتب.

بدون مقدمات وباللهجة العامية راح اسولف
القضية سهلة وما يرادلها روحة للقاضي گولت اهلنا
الناس طالعة مظاهرات لأنها ضايجة من الساسة واحزابها
يابا 
(الكلام مع بعض المتظاهرين وجنود الفيس ممن يحملون المرجعية ذلك الخطأ ويطالبونها بالحل)
المرجعية من چنتوا تتنازعون بيناتكم وتتخاصمون حول ولائاتكم وميولاتكم للأحزاب ورجالاتها
جانت تصيح على الاحزاب والسياسيين وتگلهم ولكم الناس صاحبة فضل عليكم 
وانتوا خدم عدهم وما جاي تشتغلون صحيح وصيروا خوش اوادم والبعض منكم كان اهله يبحثون له عن حفاظات حديثي الولادة
وانتوا ( الناس اصحاب الولاء) 
تتوددولهم وتسوولهم ندوات وتكرموهم وتهوسولهم وتتخضعولهم وتاخذوهم بالاحضان
وهسه من شفتوا واقعهم المرير 
گلتوا ها ليش ما تحچي المرجعية
ولكم هي ليش شوكت سكتت حتى هسه تحچي
مو ايد وحدة ما تصفگ 
مو عفتوا المرجع وحدة يحچي ورحتوا تصفگولهم 
من هوان الدنيا ان تطالبون المرجعية بموقف وهي صاحبة المواقف التي تجد بصمتها في كل شاردة و واردة
انتوا تدرون المرجعية لها رأي حتى بفرشاة افران الصمون التي يمسح العامل بها الصمون قبل ان يدخله بالفرن
ولكم ماكو زغيرة ولا چبيرة اذا ما تلگة المرجعية مسولفة بيها
والنوب وصل بيكم الحال تستهزؤون بخطب الجمعة وتگولون شنو تحجيلنا المرجعية عن الحسد والغيبة و....
ولكم خافوا الله مو هاي الامور الله موصي بيها 
ومن شوكت الامور الشرعية والتعاليم الدينية صارت محل استهجان واستهزاء 
 بعد من تسمعون مجلس تعزية والخطيب يگول
( يا ليتنا كنا معكم ) لا تگولون اي والله 
لان كلة چذب 
ولو الله خالقكم بزمن الحسين _ ع _
چان حچيتوا عليه
تدرون ليش 
بزمن الامام الحسين _ع_ چانت وسائط النقل 
ثلاث ( جمال و بغال و خيل)
وافضلها الخيل 
يعني بوكتنا ( سيارة و ستوتة ودراجة)
وافضلها السيارة
الامام الحسين كان يركب في كربلاء اثناء
 معركته ضد الظلم والفساد ( الخيل )
وليس اي نوع منها بل افضلها وكما قال اللعين ابن سعد 
( دونكم الجواد فأنها من خير جياد رسول الله)
يعني بوكتنا شلون الي يركبلة سيارة ومو اي سيارة 
يعني يركب ( رولز رايس او ڤيراري)
بشرفكم چان شسويتوا 
مو هسه اذا شفتوا رجل الدين راكب( سايبة ) 
تگلبون الدنيا وتمزقوا بالحچي
بعد مثال فرضي 
(واعتذر عن التجاسر بحق مقام سادتي)
شنو رايكم لو 
السيد السيستاني يستلم منصب نائب صدام بمكان عزت الدوري
وبعد
يشيل من النجف ويروح يگعد ابغداد وبالقصر الجمهوري 
وبعد
ابن السيد السيستاني الچبير السيد محمد رضا يتزوج من رغد بت صدام

چان شگلتوا مو چان طلعتوا من الملّة 
تدرون ذني كلهن سواهن الأمام الرضا والأمام الجواد _ع_
ويا صدام عصرهم  المأمون
استلم  الرضا _ع_ منصب ولي العهد يعني نائب الرئيس
وسكن بقصر الخلافة يعني القصر الجمهوري
و الجواد _ع_ تزوج أم الفضل بت المأمون يعني
 رغد صدام
ها ولكم خنستوا بس لا راح تنتقدون المعصوم 
ولكم ذولة العظماء يتحركون حسب ما يشوفونه بي مصلحة للدين وللناس حتى لو چان تصرفهم بي ضرر عليهم يتحملون على مودنا 
واحنة كاعدين ونملخ بيهم 
عمي شوية ثگلوا ولكم 
بالشكر تدوم النعم 
والسيستاني نعمة 
والله بسبب هذا اللغط والحچي مالتكم الله يشيلها النعمة لان ما نستاهل وبعدين تنلاص يالغبر
عمي لا تشكرون الله على هاي النعمة بس لا تبرذعون 

الموضوع السابق الفرصة الأخيرة

قناتنا على التلغرام : https://t.me/kitabat