يازلم الحشد ياهيبة التاريخ 
يامن عالسواتر زلم شفناكم
فزعتوا للوطن فزعة انصار احسين
لبيّتوا ندائه ابيوم ناداكم
مواقفكم شريفه وبيها نفخر دوم
ندعي ابكل فريضه ألله يرعاكم
اليقره عن مجدكم خل يدقق زين 
موكلمن قره يفتهم معناكم
لولاكم شرفنه بالمزاد انباع
ولا نلبس عگل وآلله لولاكم
داعش مشتبه عقله عليه تشويش 
كل ضنّه سهل بالحرب ملگاكم
يالبيكم عزم عباس من يغتاض 
حيّاكم يسور الوطن حيّاكم

عراق البي مثلكم مايذل هيهات
بحماكم وطنّه وناسه بحماكم
إجيناكم نقبّل منكم الأقدام 
نشم عطر الوفه منكم اجيناكم
داعش وينه داعش لبس ثوب العار 
لأنّه ماحمل سطرات يمناكم
جددتوا مواقف ثورة العشرين
ويم نجم الثريه رفرف الواكم
فضايلكم شمس لا ما يظمها الغيم
على اجبين المجد خطيّتوا ذكراكم
ماعنده ضمير اولا شرف لا دين
كلمن ما كتبله موقف اوياكم
تحزمتوا ومشيتوا ابشوگ نحوا الموت
نذرتوا للعراق وهيبته ادماكم
يازلم الحشد انتم  جنود آلله
اسود ويرهب العدوان طرواكم

وحگ شيبة علي السيستاني راعي الزود
نــهـــواكــــم يــعــمــــّي نبقه نهواكم
ذكراكم يعيش اويــانـــه يـا أبـطــال
ياهيبة وطنّه اشــلـــون ننساكم
غياره وأمنيتكم رتبة استشهاد
تهوسون ابفرح رحتوا المنايكم
عانقتوا الشهاده امــعــانق الخلاّن
لأن لله چــــــانت كـــل نـــواياكم

خادم اهل البيت
ابوفاطمه العبودي