بدموع عيونا بنغسل قلوبنا ...
بدمنا بندهن جدرانا وبيوتنا...
وبعزتنا وكرامتنا بنموت حتى لو متنا بسيوفنا...
ما بتفرق معانا أكلنا أو شربنا أو أذا فضيت جيوبنا...
قبل لنضحي بمالنا بنضحي بعيالنا...
ما بيحز في نفسنا غير أهات جيرانا واحبابنا...
وما بيصبرنا غير صبر أمهاتنا ...
ما عادللخوف مكان يا رجالنا...
احنا الشهام قبل هيك طهرنا بلادنا...
تعوا شفونا يا اجدادنا وشوفوا شو اللي صابنا...
بعد سنين من الخذلان رد المجد لدارنا...
بنوعد دمكم , رح نتمسك بالحريه بأيدانا واسنانا..
وما في للظالم مكان بيناتنا...
يلا النصر قرب ارفعوا راسكم ا اولادنا ..
بكره الوطن يشهد ويقول حيا الله فيكم يا رجالنا...