• القسم الرئيسي : ثقافات .
• القسم الفرعي : ثقافات .
• الموضوع : سنين عمري ملتك .
• الكاتب : حيدر حسين سويري .
سنين عمري ملتك
|
|
لا تجرجرني وراك.....سنين عمري ملتك
انا مو كَلبي نساك.....انا روحي فقدتك
................................................
جنت أكَول الحب هديه
كَلب وي كَلب إلتقى
بس شفت منك أذيه
حتى لو لحظة شقى
انا شارد من هواك.....روح عالج علتك
انا مو كَلبي نساك....انا روحي فقدتك
................................................
صافن ودومك تفكر
وما تشاركني إختيارك
أنت كَلي شكثر أصبر
وتستعر في كَلبي نارك
روح مو انت هذاك.....بيوم روحي عشكَتك
انا مو كَلبي نساك....انا روحي فقدتك
.................................................
ذوبت شخصي وكياني
وكَلت أني وانت واحد
وحاربت اهلي وزماني
من اجلك ومازلت أعاند
عذبت نفسي الرضاك.....تالي تتركني وراك
انا مو كَلبي نساك....انا روحي كرهتك
|
|
|
• المصدر : http://www.kitabat.info/subject.php?id=81612
• تاريخ إضافة الموضوع : 2016 / 07 / 30
• تاريخ الطباعة : 2025 / 03 / 13