• القسم الرئيسي : ثقافات .
• القسم الفرعي : ثقافات .
• الموضوع : صرخ صوت الغضب من السمه اوناده .
• الكاتب : عباس طريم .
صرخ صوت الغضب من السمه اوناده
|
|
الى الدماء الطاهرة التي ذهبت الى ربها شاكية
من ابناء شعبنا المظلوم في الكرادة ..
_
صرخ صوت الغضب من السمه اوناده
__________________________
صرخ صوت الغضب من السمه اوناده
انحرم مايه علينه , وانحرم
زاده
+
كلمن ما يجي ايعزي , ابكلب مفجوع
عالطاحوا اودمهم مله
الكراده
+
ضحايه الراحوا , الواحد احد يشكون
كل واحد صبغ من دمه
بغداده
+
هذه اللي فقد عمه , واخوه وياه
وهذه الفاكد ابنياته
واولاده
+
وهذه الطاح بيته , انمرد كل البيه
وشرد من ايد عزرائيلنه
شراده
+
وهذه الراح , وي الساكنين اوياه
عمامه وكل الوياهم
واحفاده
+
يجري ابكل ركن , دم العراقيين
ما يرتاح من اسهام
صياده
+
وصار الموت ذبحا , للشباب اليوم
في ارض العراق المايجن
عاده
+
العراقي وي الزمن , خلصهه بس طكات
كل يوم المنادي وللحرب
ناده
+
ياهو ايدش علينه , ايجيب ملج الموت
لابد بيه , مثل احصان
طرواده
+
الغضب حل , والمناية اطشرت عالناس
واسلاح المصايب , ساحب
ازناده
+
الموت انتعش , وارقامه تعلت فوك
سنه اوشيعه , اخوه الزادو
اعداده
+
ضحايه وسال دمهم , مثل دجله الخير
وهني للدمه سال اوضحه
لبلاده
+
مثل عثمان , من انقذ ضحايه الموت
ضحه ابروحه , والله الاكرمه
وزاده
+
ديرتنه بخيته , وبيهه الف عثمان
واتظل بالنشامه الارض
ولاده
+
الشهيد اليوكع ابارض الشرف هاليوم
هذه اليوم , هوه ايصير
ميلاده
+
حرك تفجير , والاشلاء وسط النار
شتريدون من عدنه
يجلاده؟
+
يهل تذبح وتكصب بينه هاي اسنين
شما تذبح تجيك اسيوف
هداده
+
لتظن العراق , اعله الخريطه اصغير
مثل بعد السمه اعله الكاع
اوتاده
+
ارجع للدراسه , اوراجع التاريخ
اتشوفه ابكل نزال امحصل
كلاده
+
لهذه اتكاثرة , عالفارس الغمان
ومع الايام زادت حيل
حساده
+
احنه اسلام نعبد , واحد القيوم
ونعبد كل ارضنه الطاهرة
اعباده
+
ويوم الضيج , من نسمع منادي ايصيح
نتحول رصاص اونار
وكاده
+
ويصول العراق , ابكل ورود البيه
سنته واشيعته , عله اعداه
واكراده
|
|
|
• المصدر : http://www.kitabat.info/subject.php?id=80641
• تاريخ إضافة الموضوع : 2016 / 07 / 08
• تاريخ الطباعة : 2025 / 03 / 14