• القسم الرئيسي : ثقافات .
• القسم الفرعي : ثقافات .
• الموضوع : كالوا بس نجي اتشوفون كل الخير .
• الكاتب : عباس طريم .
كالوا بس نجي اتشوفون كل الخير
|
|
كالوا بس نجي اتشوفون كل الخير
والحصه , مثل مطعم طبيخ
اتصير
+
تجيكم كامله, وكلشي او كلاشي انجيب
بيهه , اوتوصل الكم دون اي
تاخير
+
وانبلط الشوارع , والبناء ايصير
من احدث طراز العالمي
واجبير
+
ونستورد بعد , احدث السيارات
اذا مستعجل , السياره بيك
اتطير
+
واذا وسط العلاوي , تندعم بالتيل
لتكول انتهت سيارتي
وللجير
+
لان بيهه جهازاصغير , اسمه سكوت
دوسه اوروح , ما تحتاج اي
تعمير
+
وكاع الكل فرد , حته يعيش ابخير
ويبنيهه ابقرض يكفيه
ابد ليحير
+
وكل جمعه خروف امحشه جوز ولوز
اعذرونه احبائي عن
التقصير
+
وكلام اللي انكوله الكم, كلام ارجال
وما ظن الكلام ابحاجه
للتفسير
+
وخدم نستورد , الكل العراقيين
من اوغنده , من انطاكيه
وكشمير
+
ابشر ياشعب , ترتاح والعباس
كلام اموثق ولا تعتقد
تخدير
+
بس خل نوصل ونحكم , ولو شهرين
نجسد ما نكوله واحذر
التبذير
+
اجونه , وللاسف ما شفنه بيهم خير
وكل اللي حجوه عكس الحقيقه
ايسير
+
اخوة يوسف , اول ما اجو شالوه
الشعب البابلي ,وعكطوه بوسط
البير
+
يا وسفه طلع كل الحجي , الكالوه
شعارات وجذب , تسطير
في تسطير
+
اولهن الحصه , انكطعت اعله الناس
وبعد , كالوا اذا مات الشعب
للجير
+
جدام الطوايف , زينونه احواف
نهبوا مالنه , ايكولون
للتوفير
+
الف ياحيف شعبي اتحمل الطكات
واتحير , ليا خير شريف
ايدير
+
اجونه وحملوا , مال الشعب بسكوت
واحكوك الشعب ينطوهه
بالتكطير
+
فلسان , الشعب حصته امن التغيير
وحصتهم جواهر والذهب
والير
+
حراميه وملفهم , بالامم نشروه
مصخم , من طلع , في حقهم
التقرير
+
|
|
|
• المصدر : http://www.kitabat.info/subject.php?id=78520
• تاريخ إضافة الموضوع : 2016 / 05 / 16
• تاريخ الطباعة : 2025 / 03 / 14