بابا حبيبي  مشتاقلك هواية گلبي بعد ميتحمل فراكك ..

بابا انت مو گلت ايام وارجع .. وين صرت حبيبي ؟. 

صارلك شهرين والله هواية !.

بابا انت ليش عفتنة ورحت ؟ احنة محتاجينك .. انة محد ينطيني مصرف كل الأولاد يشترون من الحانوت !.

 بابا سألتني المعلمة من شافت قميصي مشكوك كالتلي : ( ابوك شنو يشتغل ؟! ) 

گتلهة : هو بالجهاد وميقبلون ينطوه راتب !.. ولا يكدر يجي لأن هو يقاتل الأعداء 

بس بابا المعلمة مسحت علة راسي ما اعرف ليش ؟!.

 بابا الدنية باردة والقميص ميدفيني كلت لأمي اريد قمصلة گالتلي الله كريم 

وحذائي نشك ومن تمطر الدنية يدخل ألمي جوة ...

بابا زنوبة - أخته - تدور عليك بالبيت وكل ساعة تسأل ماما وهي منتظرة البدلة الي وعدتها بيهة من تستلم راتب ..

بابا ياسر- أخيه الأكبر - بطل من المدرسة ويشتغل بالتقاطع يبيع كلنس  !.

يكول لازم اساعد أمي بابا حبيبي يمتة ترجع ؟. والله مشتاقينلك ومحتاجينلك ...

 

- بعد الزيارة :

بابا حبيبي هواية تأخرت عليّ آنة مو ابنك انت مو تحبني شوكت تجي ؟.

بابا البارحة اجونة ناس جابولنة كولشي محتاجيه انطو لماما فلوس يمكن اربعمية الف وجابو ملابس هواية بدلة لزنوبة وقمصلة وبلوز وملابس الي ولياسر وأحذية وحتة ألعاب انطونة وجابولنة مواد غذائية وبعد هواية أشياء ها تذكرت وكيزر جابو وصوبة 

الله فرحونة بابا هواية تدري بابا منو موديهم كالو ودانة أبوكم السيد السيستاني ويكول شنو تحتاجون مؤسسة العين بخدمتكم ؟ وكل شهر ألكم هذا الراتب وكل مناسبة يجيبونة ملابس وألعاب .. بابا الله يطول بعمر ابونة السيد السيستاني وانت علة راحتك بابا حتة لو تتأخر ...