الدنيا ضجت بالظلم      

والدم سال..

ياغايب اظهر 

موعدك جدا طال..

هواية طغت 

إسرائيل والدجال..

مكشوفة صارت الاوراق..

والباطل بعالي الصوت

يصرخ بكل الافاق..

والمجرم الأصله قذر

بالسيف يـگـطع أعناق..  

داعش ونصرة وقاعدة

ببلادنا تلف وتدور..

واتباع أهل البيت 

دمهم مهدور..

بسوريا لبنان ويمن

وعراقك الدم بحور..  

وبكل وطن تلـگـة الحقد

عالشيعة يطلبهم ثار..

كل يوم طف وكربلا

وخيام تحرگـها النار..

تهجير، ذبح، ومجزرة

تاكل كبار وية صغار..

لاشيخ رحموا، لاطفل

لاسلمت منهم نسوان..

والغرب تآمر علينا

والعرب والشيطان..   

يمتى يمهدي صولتك

وتحطم اهل الطغيان.. 

عندك جنود مجندة

وتضحي من أجل الدين..

سيد حسن نصر الله

من سنين قاوم مَـيـلـِـيـن..

والحشد بارض الرافدين

يقاتل المرتدين..

ظلت بعد بس طلعتك

وتصير ساعة الصفر..

نقضي على جيوش الظلم

ونحاسبه حسابٍ عسر..

مولاي راوينا الفرج

ملينا من كثر الصبر..     

 

26 حزيران 2015