|
كال هل النور من بيت النبي
كلت خير العمل هلت
نوره
+
من بطون الكرم مولود - اليجي
احله من نور الكمر
والصوره
+
هيه اية اتزورهه الناس اتحبي
ومنه تطلع فايزه
وماجوره
+
بضعه مني ايكول عن زهره النبي
ومن الهي وخالقي
منذوره
+
هيه نور الله طل وسط الحياة
وعالجبين اية فلق
محفوره
+
اليوم لم الحسن ميلاد - ن سعيد
بكل بقاع الارض
والمعموره
+
اليوم كل شاعر ورادود وخطيب
ايجود للزهره الزجيه
ابطوره
+
اليوم كلهه اتزغرد وحته الحمام
والسمج والطير يزهي
ابهوره
+
اليوم صاح الكون زهراء البتول
هلت , وفاح الزمن
بعطوره
+
وبعد صاح الصوت رب العالمين
يغضب الفاطمه لو
مقهوره
+
واليأذي فاطمه ايكول الرسول
يأذيني , وجلمته
مشهوره
+
واللي ميحب فاطمه وال الرسول
ذنوبه مهما عمل ما
مغفوره
+
فاطمه ام احسين فارس كربلاء
سور عالي وما تبدل
سوره
+
فده الدين ابدمه ولحد ما ارتوه
ابن حامي الجارواضح
دوره
+
اسأل الطف , واقعه اتهد الجبال
واقعه ابكل الارض
مشهوره
+
كال لا للذل , واصوات السماء
كلهه صاحت رايتك
منصوره
+
الزمن صاح وكال يادنيه اكتبي
الارض باللي تملكه
منذوره
+
للحسين , وكل نبي وكل وصي
امر من رب العباد
ايزوره
+
بالتحبه الجنه مليانه ملي
وابجهنم كل عداه
محشوره
+
اسمه وسط الروح هذه ابن الولي
وصورته ابوسط الكلب
محفوره
+
ابن اليكل لليزوره احجي شتبي
الحيل صعبه ابحضرتي
مكدوره
+
ياجموع الزايره اليوم اطلبي
ابد ميرد خايب اللي
ايزوره
+
علمه من جده النبي ومن الوصي
وما ايشور احد , الكل
اتشوره
+
الجنه ربك كال عنهه استبشري
بيه وباهله فقط
محصوره
+
الما تزور احسين من كل الملل
بالعرف والدين ما
معذوره
+
+
عينه كلمن ما ايشوف ال النبي
عميه عن درب العدل لو
عوره
+
وكوم ما تلطم على خير العمل
هايه كوم امخدره
ومسطوره
+
تنكلب هالدنيه بالوادم كلب
افواج تمشي حافيه
ابعاشوره
+
البالبرد يتعنه ميحس أبرد
ولبحر , ميحس ابد
بحروره
+
الله انعم عالحسين واكرمه
والبحور انهاهه , خله
ابحوره
+
ورفع كلمن يعتنيه ابكربله
وكال اثيبه اليعتنيه
ويزوره
+
من اقاصي الصين والسند وهند
تجي الناس امحملين
انذوره
+
جده ابوه وامه اخوه المشتبى
بالكسا ربك جعلهم
سوره
+
ايفور ليل انهار تنور الحسين
خير يجري وما وكف
تنوره
+
وذاك ابن هند اللعين ابن اللعين
انمحه من التاريخ هوه
وجوره
+
لا اثر , بس ابحلب قالو يقال
اعمامته ابكومة زبل
مشموره
|
