|
حمد مانام ليله وغمض العين
تصرخ بيه فتوه
المرجعيه
+
تنادينه مثل ما ناده الحسين
الا هل من محب؟
بالغاضريه
+
حمد مديون راد ايوفي الدين
لهذه صاح وين
البندقيه
+
وقسم , بالقسم بالزيتون والتين
يقدم للوطن روحه
هديه
+
اخته اتصيح .. ها يلنشمي يلزين
وامه اطش عليه
الواهليه
+
وابوه ايصيح بي ياسلوة العين
حمد ياحمد حافظ
عالوصيه
+
الرجال اليوم تعرف بالميادين
وتتميز فقط اهل
الحميه
+
الصاروا في شجاعتهم عناوين
ومنهم يرتعد سيف
المنيه
+
الماكعدو ابد من شافوا الدين
يريد ايمزقونه اهل
الرديه
+
ذوله الغيروا كل الموازين
وكالوا نعم عدنه ارجال
حيه
+
حشود وتستحق ارجالهه العين
انوف معوده عالكر
ابيه
+
الصاحوا وينه اليزامط ولك وين
هذوله احنه يبن هند
وسميه
+
يدش المعتدي لبلادنه امنين
وبكل شبر مزروعه
سريه
+
اسود ابساحة الهيجا ميامين
وعلي وفاطمه الهم
هويه
+
ابيوم السلم اصحاب الدواوين
وفي الهيجاء .. كل واحد
ابميه |
