|
سلام للغالين مشتاقين ان شاء الله زينين !!!
قال لي تمام عال العال عمي حسين.
شلونه العراق واخباره عمي حسين !!!
قال لي مثل الورد والريحان ما بينه واحد تعبان.
شلون الناس والاخوان !!!
قال لي تمام بيتغذوا دجاج ويتعشوا لحم الخرفان
وروح ابوك شلون الامن والامان !!!
قال لي لا كان زمان الان العالم تسهر لحد الأذان
والعيشه صعبة لحد الان !!!
لا مو قلت لك العالم فرحانه ومتنام وتسهر لحد الله اكبر في الاذان.
واصوات الرصاص والقنابل !!!
لا البلاد مافيها غير اصوات وهديل الحمام والرمان.
اي رمان قصدك قنابل الرمان !!!
لا العالم من الراحه والسكينه تفرط الرمان
اه بالي راح لبعيد مثل الشدهان !!!
لا لتخاف العراق بخير وأطمئنان.
واخبار الاغتيالات والاعتداءات!!!
لا هذه افلام ابو طبر من ايام صدام لا تصدق من فلان وعلان.
والضحايا والشهداء !!!
لا يا عمو هذه تفاهات الاعلام وكلام بلا عنوان.
واخبار الحصة التموينية !!!
ياعمو اسأل عنها الحجية وضعوا فيها الفسنجون والمعجون وحتى الكفته والباذنجان.
واخبار المعامل والانتاج !!!
لا عال العال قطعنا صلتنا ببعض البلدان
واعتمدنا على معاملنا وشغلنا جميع العاطلين والصبيان .
زين عمي حسين شو الي صار مع المتجاوزين والاراضي الفضائية !!!
لا صارت كلها مرمر وكرانيت وحجر وسيراميك وانواع الالوان.
يالله ياعمي حسين نحن بحلم لو بعلم طيب كلمني عن حال العنوسه والارامل والنسوان !!!
لا عنوسه ولا ارامل الكل تزوجوا وصاروا ام احمد وام عادل وام عمران
اخر سؤوال عمي حسين أخبار الحكام !!!!
هنا تأفأف عمي حسين وأحمر وجهه وبانت عليه علامات الالم والغضب ودمعت عيناه وقد حصلت من خلال ملامحه على الاجوبة الشافية لأسلتي اعلاه ...
قال لي الحكام من زمان مافيهم واحد شريف و بن عربان..
تبحث يمنه تبحث يسره متشوف الا الفاسد والحيوان..
هذا قدرنا ومكتوب النه نهبوا بلدنا ...نبقى نشتم ونسب بالخلفهم جربان اولاد الجربان . |
