كعبه الاحرار تبقه كربله

وتبقه آيه وْمضرب الامثالها

 

.

.

,,,,,,,,,,,,,,,,,,,,,,,,,,,,,,

 

 

نلطم احنه لكربله في كل زمن

هاي ارض البيها الوان المحن

تْحولت بحسين الى جنّة عدن

 

لوله دم حسين ماصح حالها

 

,,,,,,,,,,,,,,,,,,,,,,

 

 

نلطم احنه للابد لمْصابها

وْنوگف بْاجلال كلنه بْابها

كربله الهالساعه بينه صوابها

 

يوم والله مانسينه ابطالها

 

,,,,,,,,,,,,,,,,,,,,,,

 

 

نوصلچ يكربله وْ حي دارچ

نقصد احنه باللطم لابطالچ

فتوى تصدر بالحُرُم اعدائچ

 

تْرد عليهم بالجواب اشبالها

 

,,,,,,,,,,,,,,,,,,,,,,

 

 

نفدي اجينه منِّ نِزور ارواحنه

وْننذر احنه للحُسين اعمارنه

مايهمنه من يعادي افكارنه

 

شيعة الكرارهاي رْجالها

 

,,,,,,,,,,,,,,,,,,,,,,

 

 

حرّه زينب ما تطخّ بْراسها

حگها تصرخ بالحزن عبّاسها

تندب البار الوفي وْنوماسها

 

ذاك سبع الگنطرة اللي جالها

 

,,,,,,,,,,,,,,,,,,,,,,

 

 

سكنه تندب للگمر يبرالها

عمها ياعباس شوف شْحالها

انت فخر العايله وْعز حالها

 

وانت ضنوة حيدر وْ آمالها