كتابات في الميزان / شَبَابْ..ثَوْرَة ِ25يَنَايِرْ

إِنْتِي الْأَصِيلَةْ يَا مَصْرْ=إِنْتِي دُمُوعِ السَّواقِي

نَازْلَة بِتِسْقِي الْأَرَاضِي=وِكُلَّ غِيطْ نَائِي

وِثَوْرِتِكْ قَايْمَة وَاقْفَة=قَوْمِتْهَا بِتْلاقِي

تَأْيِيدْ وِدَعْمِ كْبِيرْ= أَنَا شُفْتُه فِي الْأَزْهَرْ

أَفْخَرْ بِإِنِّي ألاَقِيهْ=لِإِمَامِنَا الْأَكْبَرْ

شِِيخْنَا الْهُمَامْ يَوْلاَدْ=دَا أَحْمَدِ الطَّيِّبْ

صَبْراً جَمِيلْ يَوْلاَدْ=وِالنَّصْرِ دَا قْرَيِّبْ

يَا حِتَّة مِنْ قَلْبِنَا=مِنْ لَحْمِنَا وْدَمِّنَا

يَا شَبَابْ25 =يَنَايِرْ يَا حِلْوِينْ

قُمْتُوا عَلَى الظَّالْمِينْ=وِعَدَدْكُو كَانْ مَلاَيِينْ

خَلِّيكُوا كِدَا صَاحْيِينْ=يَا شَبَابْنَا يَا مُؤْمِنِينْ

وِحَقَّقُوا الْآمَالْ=فِي الدُّنْيَا وِالْأَحْلاَمْ

دِي مَصْرِ مِسْتَنِّيَاكُمْ=وَاقْفَة هِنَاكْ قُدَّامْ

بِتْحَيِّي فِيكُو وَفَاءْ=تَعْظِيمْ كِبِيرْ وِسَلاَمْ

سَلاَمْ كِبِيرْ لِلشَّهِيدْ=اِللِّي فَدَى بْلاَدُهْ

رَافِعْ عَلَمْنَا الْمَجِيدْ=بِشَجَاعْتُه وِعْنَادُهْ

حَقَّقْ كِتِيرْ وِكْتِيرْ=مِنْ نَصْرُه وَمْجَادُهْ

لِحِقْ بِنَاسْنَا الْقُدَامْ=مِنْ أَهْلُه وَجْدَادُهْ

اِللِّي بَنُو الْأَهْرَامَاتْ=وِدَا فَخْرِ لِوْلاَدُهْ

يَا هَلْ تَرَى يَا شَهِيدْ=وِانْتَ بِينِ الْجَنَّه

تِدْعِي لِمَصْرِ الْمَحَبَّةْ=تِعْلَى وِتِتْهَنَّى

وِتْكُونْ عَرِيسْ لِلْحُورْ=وِفْإِيدَكِ الْحِنَّه

وِالْأَجْرِ مِنْ رَبِّنَا= دَا فُوقْ مَا تِتْمَنَّى

أَدِّيتْ فِي دُنْيَا الْأَنَامْ=اِلْفَرْضِ وِالسُّنَّة

جِوَّه مِيدَانِ التَّحْرِيرْ=كَانِتْ لِهَا رَنَّة

وِفْرِحْتِ لَمَّا اخْتَرُوكْ=لِلْآخْرَه عُقْبَالْنَا

نِلْحَقْ بِنَاسْ فَيْزِينْ=بِرِضَا اللَّهْ وِالْجَنَّهْ