|
انطتنه ادروس حلوة الانتخابات
وانطتنه الثقه ابمستقبل
افضل
نرجع للزمان الراح هيهات
بلدنه وما نضيعه وبيدنه
الحل
وانصحكم بعد ماكو احتمالات
يرد بينه الزمن للعهد
الول
عراق اتنام بعثوكه الحمامات
امان وصار للملهوف
معقل
عرفنه اشلون تندار المبارات
ونفوز ابنهايته وما
نفشل
دفنه وللابد كل العداوات
ورجعنه انعيش اخوة بفرد
منزل
عدونه ايريد يجمعنه ابعصابات
ويبيع البلد للغير,
ونظل
ويعيشنه كل يوم ابمتاهات
لفوك ايشيلنه ويعيدنه
اسفل
تعالوا انعيد ترتيب الشعارات
ولتوحد شعبنه تصير
اول
دستور انكتب يحمل شعارات
العراقي ايعيش بالعز
ومينذل
وعدونه اللي خسر كل الرهانات
بعد ما سلم الكل بيت
معول
مثل ما يشتهي ايريد الاجابات
ويريد العراقي ابكيفه
يعمل
الكره والحقد ما بين الشعب مات
باالحب والوفه والود
تبدل
رضينه انعيش ونوحد الخطوات
واقع ونفرض والكل
تقبل
خل ترجع السابقهه العلاقات
حميمه وكل فئات الشعب
تشمل
اذا ل لله تتوجه النيات
اصعب شي على الانسان
يسهل
وذا تتوحد بجد القناعات
العراق امن الجميل ايصير
اجمل
زهت اصواتنه وكل النشازات
المتلائم عراق اليوم
تبتل
شعب وتنقل لعدة محطات
وهاي اخر محطه وبيه
حول
حصرناهه بنهر كل الولاءات
صارت وجه واحد بدر لو
هل
العراق الوجه ويشع بالحضارات
ويقدم دليل الوحده
للكل
تظل تضحك علينه الكل حسافات
واحنه انولد بينه العقد
ولحل
عمر يرفض نعيش بها الحزازات
وعلي الكرار ماظن ابد
يقبل
وارجال الصحابه اهل الكرامات
ما يرضون اله الجمع
يكمل
نعيش اليوم في جو احتفالات
عساهه اعله الشعب بالحب
تكلل
بالمهجر امن نشوف اللقاءات
بين احزابنه انحس خير
اقبل
ومن ارموزنه تلتقي بجلسات
كلنه انظل على الشاشه
انتامل
الحراك الصار ونواع النشاطات
اصاب الحاقدين اليوم
مقتل
دلائل خير كل هاي الحراكات
بالملموس تثبت نية
الكل
ورصاص الامس صار اليوم هوسات
تتناخه باخوتنه و تهلهل
امن المهجر اندز الكم تحيات
ونكل الكم ولا واحد
تعطل
مشينه بكل عزم للانتخابات
وحته العاجز وميكوم
اقبل
انكل لعراكنه اتعيش وسلامات
وخير القول ماقل
ومادل
|
