تفز بلاغتي الأبكم وينطق كل كلماتي

 

ولي مني نويت اكتب اقيد فارس ضرغام

بحس ن شاعري ن فض تسبق شج طعناتي

 

اشكل من سنين اليأس جواد فارس ضرغام

واحرك جامد الأقلام بسلوبي ومهاراتي

 

واهشم جبهة الباطل ومن فيها من الأقزام

واعود بعزتي ظافر ولا اتباهى بغزواتي

 

اقدس نجدة الملهوف ولو كنا معه في خصام

واصفح لي هزمت العدو ما ازيد الطين بلاتي

 

ولو ضاقت بي الايام اقوم والبس الاحرام

والوذ بخالقي وحده يفرج كل كرباتي

 

ومره في طريق الحب تحداني غزال الشام

وخلاني أنا الأبكم وسلبني مسراتي

 

وكبلني وانا اشوفه بنظراته بدون لثام

وشهر بي على الإعلام وغرقني بسوأتي

 

فقررت اترك الديره واعيش بحجرته خدام

وافارق ماضي الصحراء مع ابلي وخيماتي

 

يضنون التناقض في كلامي وانشد الآوهام

وانا اقول الهوى وحده تحكم في مساراتي

 

وضيعت الدروب اللي مشيت بها شهور وأعوام

ومما صابني من حب تاهت كل خطواتي

 

حتى البوصلة قادتني وسط الشوك و الألغام

وقامت ترشد العذال لجروحي ودمعاتي