• القسم الرئيسي : ثقافات .
• القسم الفرعي : ثقافات .
• الموضوع : يا عيـــد .. عيّد ع الغلابه .
• الكاتب : عاطف علي عبد الحافظ .
يا عيـــد .. عيّد ع الغلابه
|
|
(قصيدة بالعامية المصرية)
*****
يا عيــــــد ..
عيّــد ع الغلابه
الغلبانين
مشتاقين يشوفوك
بقالهم سنين
بس العين بصيره
والإيد حتجيب منين
يا عيـــــد ..
طـلّ ع الغلابه
شوف البؤس بعنيك
مدّارى بين جريد
وصفيح
الشمس فى الشتا
دفـــــايه
والنجوم فى الضلمه
مصابيح
يا عيـــــــد ..
بصّ ع الغلابه
تلاقى الوشوش دبلانه
وخجلانه
تشوف عيون مطاطيه
ودمعانه
وإيدين نشفانه
عضامها لمعانه
يا عيـــــد ..
عيّـــد ع الغلابه
خليهم يحسوك
زى البهوات كده
بيك بيحســو
رغم إنهم ..
طول عمرهم
بالغلابه ما حســو
|
|
|
• المصدر : http://www.kitabat.info/subject.php?id=38050
• تاريخ إضافة الموضوع : 2013 / 10 / 16
• تاريخ الطباعة : 2025 / 03 / 14