خايف عليك يا وطن..

من فتنة الاحزاب...

خايف تزل بيك الجدم..

وتوكع بشر ماينتهي.. 

ويعاود الارهاب...

ياما نزفت وحدك ولا 

احد يمدلك ايد..

ومحد فتحلك باب...

محد سمع شكواك من تبجي.. 

ولا اهتزت لك الاعراب..

يا اسمر وياحلو..

يا ابو النخل والماي والاعناب...

والله حرامات الجرى..

واليجري وبليـّـة ذنب واسباب..

نتمنى الله يحفظك..

ونشوف جرح طاب...

جرحك چ‍بير وماتلمة الدنيا..

بس صبرك حلو وجذاب...

من دونك تضيع العرب..

مايبقى عدهم لا أصل وانساب واحساب...

انتة مدگ‍وك بأساسات الزمن..

والكون فوگـ‍ك ذاب...

كل مذنب وهم تنقبل توبتة..

ريت الحزن فد يوم منك تاب...

ما اكرهك من اشتكي..

بس اني احبك ..

والعتب مرخوص للاحباب...