• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : قصيدة : صندوق الدنيــــــــــا .
                          • الكاتب : عاطف علي عبد الحافظ .

قصيدة : صندوق الدنيــــــــــا

قرب .. قرب تعـــــال اتفرج

قرب شوف صندوق الدنيــا

ناس بتغنى .. وناس بتهرج

وناس تانيه حاجة تانيــــــه

ناس بتسرق .. ناس بتنهب

ناس ياعمى وكلاها والعــه

وناس بتشقى، ناس بتتعـب

م الفقر ياعينى عينها دامعه

          *****

تعال شوف .. تعـــــــال بص

ناس حظوظها ياسيدى عاليه

وناس ياعيـــنى نص .. نص

وناس كمان تلاقيها واقعــــه

          *****

قرب .. قرب تعال اتفــــــرج

تشـــــوف بعينيك العجـــــب

ناس بتكســــب  بالملايـــين

من غيرشقى.. من غيرتعب

وناس تانيه م الجوع نايمين

والفقـــر على جبينهم انكتب

لا طالوا ياسيدى بلح الشـام

ولا داقوا ياخويا حتى العنب

          *****  




  • المصدر : http://www.kitabat.info/subject.php?id=26693
  • تاريخ إضافة الموضوع : 2013 / 01 / 24
  • تاريخ الطباعة : 2025 / 03 / 14