|
عباس يا عباس يا بو الحميه
تتباهه بيك الناس يا بن الرضيه
...................
خويه او يبو النوماس خويه الكفلني
وينك يا بعد الروح شوف شْهضمني
جارت علينه اعداي فگدك كتلني
بْديوانه هالطاغوت جار او ظلمني
صحت آنه يا عباس خيتك يِسبني
بيت الظلم والجور واهل الرديه
...................
وحدي او غريبه شْلون حُرمه اوْ وحيده
دار الاهل يا ناس صارت بعيده
ثاري الگمر لو غاب روحي تريده
عالمشرعه من طاح گطعو وريده
واعْله الرمح شالوه راس العقيده
حسره او هضيمه نشوف هاي المنيه
...................
نازل علينه الضيم حامي خدرنه
وينه اليحامي الدار شايل علمنه
ظلمه الليالي او سود بعدك گمرنه
لا والله ما يلتام باگي جرحنه
صاب العشيره اصواب اگصر عمرنه
بعده العمر ما دام من هالبليه
...................
ام البنين اتصيح لجْلك نويته
ومن الصغر باريت شبلي اوهديته
لابن العزيزه حسين روحي فديته
ابني وثلث اخوان فدوه الهَوِيته
كل وكتي چان اوياه عمري گظيته
عگبك هجرت النوم يبن الزچيه
...................
طاح العزيز اوصاح خيتي اوحِمِلها
نيته يجيب الماي لخته اواهلها
صابه العدو بيمناه ايده اوهملها
بعد اليمين ايْسار زنده الحِمَلها
راية ابو الاحرار خالد بطلها
هالرايه بالعباس تعله اوابيه
...................
زينب تراها اتنوح تبچي عليهم
ومن الالم اوالضيم تندب لابيهم
تناجي لبو الكلفات مفتخره بيهم
نادت لابيها اتريد يحضر يجيهم
چنها بمنادي بصوت يعلم وليهم
بمصابچ بعاشور من ال اميه
...................
زهره الحزينه اشلون تنظر وِلدها
بالغاضريه سباع حملو عهدها
لوله القدر ياناس ياهواليصدها
حرب الحقد عالآل باقي امدها
يظهر يريد الثار وارث ولدها
ويطفي نارالسوء نار الاذيه
|
