• القسم الرئيسي : ثقافات .
• القسم الفرعي : ثقافات .
• الموضوع : انا صكر يعيش ابروس الجبال .
• الكاتب : عباس طريم .
انا صكر يعيش ابروس الجبال
|
|
انا صكر يعيش ابروس الجبال
وما هذي الارض الا
لصيدي
وانا الشاعر وكل الشعر
النكال
من الماضي ومن الحاضر
كصيدي
لكل صاحب اذا بيه الحمل
مال
وكلمن كال وينك ؟ ماد
ايدي
انوخ ودنيتي اتحط فوكي
الحمال
واكلهه شما اتزيد الحمل
زيدي
الزمن قدم لي دون الخلك
موال
وكل للدنيه باليستحق
شيدي
انا الحر ما طعن بظهور
الرجال
عتيج .. ويشبه اطباع
المعيدي
ما اطي الاذن للكيل
والكال
ولا اكل لليعاتب انه
شبيدي
افوج ابحيل صدري يمين
وشمال
واوصي ابني على الطيبة
وحفيدي
الحب الناس من الجهل
ميال
وطيب بالطبع مثل
الصعيدي
اذا ربعي تغير بيهم
الحال
عليم الله اقدم الهم
وريدي
خلصت العمر بالدنيه
رحال
ما يثبت على حال -ن
بريدي
مثل كل مغترب صابر على
الحال
ومن اتلوب اكل للروح
هيدي
مو كل اليريده الرجل
ينطال
ولا كل صاحب انسميه
عضيدي
ولا كلمن صعد عالمهرة
خيال
ولا كلمن حرس ديرة
هريدي
ولا كلمن لبس جفية
واعكال
خير صار عالوادم
يسيدي
يصح حلو الكلام وهو
حيال
وجليل العرفة ينطق
بالمفيدي
مو كل الحجي الينسمع
ينكال
يروحي لا بكل المضه
اتعيدي
عله لله اتوكلي واتهون
الحمال
بس ادعيه ينطيج
التريدي |
|
|
• المصدر : http://www.kitabat.info/subject.php?id=17167
• تاريخ إضافة الموضوع : 2012 / 05 / 11
• تاريخ الطباعة : 2025 / 03 / 14