لبو ابراهيم عزينه

وفاة القاسم انعِينه

 

.................................................. ....

 

اجينه احنه نعزيكم – بغريب اسمه نواسيكم

بعقيدتنه نوافيكم – نرد كلمن يعاديكم

ملك كافر يعاديكم – حفيد الشر هجر دينه

 

.................................................. ....

 

دخيل الگوم ابن موسى – عزيز وما خفظ راسه

عليه هموم كل ناسه – عذاب وحرگة احساسه

يعينه الباري ويحرسه – على مصابه تعازينه

 

.................................................. ....

 

ولا واحد عرف اصله – ظلم هارون والحمله

على اولاد النبي وهْله – منو اليحكم لَزم يوله

بني هاشم بني الموله – حقد عالوالي هادينه

 

.................................................. ....

 

صُبَر قاسم على المحنه – يظل خالد فلا يفنه

نعم صبره مَثَل النه – چبير اسمه رمز عدنه

نزورك يا فخر عزنه – زيارتكم فرج لينه

 

.................................................. ....

 

كرامه زيارتك بيها – لفه المشهد ورَاضيها

علي مولانه يرويها – اله الزاير معانيها

لخويه زيارتي اهديها – الك زرنه وتعنينه

 

.................................................. ....

 

لون تطلب الك حاجه – بِ اله الكون دُعا ترجه

وسيلتنه ولي وحجه – تدگ باب الدعا وارجه

تجي لهفان اله بمهجه – يمولانه الك جينه

 

.................................................. ....

 

بباخمره گظه نحبه – حياته گْضاهه بالغربه

تراها ايامَها الصعبه – يمر يومه بالف حسبه

تشوفه الناس متعجبه – عليه احنه نواعينه

 

.................................................. ....

 

نَسَب طاهر ضِنَه الزهره – بصدرنه اليوم اله عبره

لِبِن طه الدمع يجره – عليه النوح والحسره

غريب وحاير بامره – ابن حيدر يوالينه