|
هله ونعمين بالقادة الميامين
بيكم ياعرب تنجح
القمه
اجيتوا وكل لسان ايكول امين
يارب تربح وتثمر
اللمه
الورود ابايد , وبايد الرياحين
اليجي.. بارواحنه انشيله
ونضمه
عربنه اهل الكرم واهل الدواوين
واهل السيف والفنجان
همه
على اظهور القدر خطوا نياشين
وعلمهم دك عله الصخرة
الصمه
على اكلوب العراقيين , غالين
اذا كعدوا جميع .. انكول
تمه
الدجلة وللفرات العذب ماشين
واجونه اباجمل وافضل
مهمه
اذا كعدوا .. ايغيروهه الموازين
والحاقد ايموت ابدرد
سمه
وحق من حلف بالزيتون والتين
الكلب ينزاح من العرج
همه
اذا كعدوا بعد كل هاي السنين
وكل واحد صفاء النية
يمه
من حكهم , اتصير الدنية والدين
وبسمهم يرجع الحك
ايتسمه
اخوتنه ياعرب , راس العناوين
لا تبقون للوادم
مذمه
شوفوا اجدادنه الجانوا ميامين
واحدهم ابجفه ايشيل
دمه
اذا شاف وسمع بالامة اليشين
يهد .. ويهد وراه خاله
وعمه
واحدهم معدل فارس وزين
اهم شيء الكرامة اللي
تهمه
واحدهم شجاع وابد ميلين
الخطر من كبل لا يحدث
يشمه
عالم .. صار هذا اليوم نصين
الضعيف انهان بالجزمة
وتدمه
من يحجي .. يجفتونه ابسطرتين
ويا هو ايمر.. بديه اثنين
غمه
القوي اليوم .. حك وباطل , يدين
وكل واحد يفك حلكه
يطمه
القوي اللي يسيطر بالميادين
ويبيض الوجه عند
الملمه
الوكت يحتاج ناس اهواي واعين
اهل عفة ونزاهه واهل
ذمه
يوحدون .. ونسميهم البانين
عدهم مقدره اتوحد
وهمه
اول ناس .. زحمه انصير تالين
والهسه اجه انشاف
وتسمه
اتركوه الخلاف الصار ما بين
اخوة , وما انريد اللي
ايتحمه
على اجروح الفقارة والمساكين
انريد اللي ايجود ومملي
صمه
التعاون ,والمحبة ,والوفه . بين
كل العرب .. والجمعه
اهمه
وشملنه انجان ياهل عرب ناسين
اليوم ابجال قادتنه
نلمه
نتصارح .. وكلشي ايبان للعين
نتكاشف .. حجينه ما
نضمه
حته نجتمع وانكون راضين
وصحيح انصير بين الامم
امه
واخيرا ياهله بالجاينه الحين
وركب طيارته , وعالباري
سمه |
