• القسم الرئيسي : ثقافات .
• القسم الفرعي : ثقافات .
• الموضوع : أبوذيات لهيفاء الحسيني ومن خلالها لكل أمرأة طيبه .
• الكاتب : ناصر علال زاير .
أبوذيات لهيفاء الحسيني ومن خلالها لكل أمرأة طيبه
|
|
كان البعض من زملائي وأساتذتي يسأل الزميل فراس الحربي متى يتوقف ناصرعلال عن الكتابة عن العزيزة الغالية الأعلامية هيفاء الحسيني وعندما توقفنا صاروا يسألون الزميل فراس لماذا توقف ناصر علال عن الكتابة لهيفاء هل جفت منابع الشعر لدى ناصر ونظرا لمناسبة العيد المبارك ننشر أخر ماكتبنا لهيفاء ومن خلالها لكل أمرأة طيبة صادقه
حنينة مثل هيفاء الحسيني
عندما كنت لاأعرف أخبارها حتى في العيد
قلت
ولاعيد
بجفاكم لافرح مرني ولاعيد
أبقضيتي وياك لا أصقل ولاعيد
لعد ملكاك لا أحسب ولاعيد
أنكطع ضني ونسيتك جيدنيه
ياعيد
يافرح اليمر بجفاك ياعيد
وحبيبي بس وعد وياي ياعيد
يا هسه اليه أتجون ياعيد
لحسرتي أونتي وعلتي الخفيه
معيدي
بجفاج العيد ياهوفه معيدي (ليس عيد)
وأنه من أحزن يهيوفه معيدي (عكس حضري)
العمر تدرين ياحلوه معيدي (يعني خلصان)
أخاف أنموت مانكعد سويه
وعندما سمعت صوتها بنفس اليوم من خلال الهاتف
وسألتني عن صحتي وتحدثت مع أسرتي
وسلمت على الناصرية بالأجماع
قلت
عيدي
توه صار فعلا عيد عيدي
لكلامج ياعزيزة روح عيدي
مريض أجفاج اليه أبساع عيدي
من صوتج تطيب أمراض بيه
يهوفه لا يخربونج عليه
وهذا رابط الأبوذيات على صفحة الزميل عباس طريم
مع مفاجئة أستجابة سريعة من الله لدعوة الغالي عباس طريم
بسنتي
عشكتج على الأرض هوفه بسنتي (فقط أنتي)
بجفاكم لافرح مرني بسنتي (بعامي)
لذرعنج يهيوفه بسنتي (بالسانتيم)
وأفصلج شعر لاكن بليه
ولا خان
من مثلي عشك ولفه ولاخان
ودكولي طبل عالي ولا خان
بفندق لا شفت هوفه ولاخان
أهي بأمريكا وأنا بناصرية
بعض الناس تتبله عليه
وسامح
يبو وجه الحلو أيخبل وسامح
جم مره أعف عنك وسامح
تره درب الصدك طيب وسامح
الجذب موزين لا تجذب عليه
أنه الجذاب عزايين اليه
حشاك من الجذب ياتاج اليه
علينه
يطيب الذات لاتنغر علينه
ولافد يوم عالوادم علينه
وحك المرتضى حيدر علينه
يهوفه أنتي الهو والروح اليه
وصالك
بعد لا تكطع أعلينه وصالك
وأعرفه الواشي تهجرني وصالك
أذا عني حجي باطل وصالك
أتأكد أولا وأزعل عليه
بعض الناس تحسد حيل اليه
ياعمرنه
كضيت بضيم مالك ياعمرنه
ويا نخرب عليكم ياعمرنه (يوم نتمرض يوم نكوم)
لعلي نندب ونندب ياعمرنه
أحباب ولا تمرنه الطائفيه
====================
صور سبق أن تناولتها
==================
ولانام
بجفاكم ماغمض جفني ولانام
وعليكم واشي مافرني ولانام
وحك من صور الصوره ولانام
أعز مني يهوفه أنتم عليه
والأعلام
فخر كل العراق أنتي والأعلام
وكلبي من عشك هوفه ولع لام والأعلام
وحك الواحد الأوحد والأعلام
بجفاكم لا حياة أتلوك اليه
ناصرعلال زاير---- عاشق وشاعر وشاهد من ذي قار
عيد الأضحى مساء الخميس 18/11/2010
|
|
|
• المصدر : http://www.kitabat.info/subject.php?id=1382
• تاريخ إضافة الموضوع : 2010 / 11 / 18
• تاريخ الطباعة : 2025 / 03 / 13