|
لا فلا ننسه مصيبة كربله
والهضيمه على الحرم واللي جره
..................
نندب احنه حسين ما نعرف مَلَل
انت ثار الله ياخير العمل
لمجلسك اتعنّه لو افدي الاهل
والطم على مصاب سبع الگنطره
لا فلا ننسه مصيبة كربله
..................
ياگمرنه السرمدي ياسيّدي
ياامامي او يااميري او قائدي
ولجْلك الارواح كلها تفتدي
نفتديك وما تهمنه الغابره
لا فلا ننسه مصيبة كربله
..................
لدمّك انضحّيله ما طال العمر
منّك اتعلّمنه معناه الصبر
والگلب عبراته مليان الصدر
والحزن عالدّار وابنه الحيدره
لا فلا ننسه مصيبة كربله
..................
ياشهيد الدين يا اِبن البتول
داعيَن لله يا اِبن الرسول
دنيا والافلاك نسمعها تگول
سرّك الرحمان وحده يقدّره
لا فلا ننسه مصيبة كربله
..................
بقتلك الاشراف كلهَ اتأثّرت
فلسفه واعلام بيك تحيّرت
وانفنت ظلّام ضدك وانتهت
هاي كلهَ اعداك بيك محيّره
لا فلا ننسه مصيبة كربله
..................
ننعه كلنه اليوم بضعة فاطمه
وهايَ امَّه حسين تحضر مأتمه
چنّه صوت يصيح روحي هايمه
وكل عزاء يصير هيَّ تحضره
لا فلا ننسه مصيبة كربله
..................
انت رمز الكل يثور وقدوته
ونت ابو الاحرارجنّه بيعته
واليحبّك دوم تعله هامته
يوم صار حسابي انت تيسّره
لا فلا ننسه مصيبة كربله
والهضيمه على الحرم واللي جره
....................
خادم اهل البيت ع
سعيد الفتلاوي الطويرجاوي
|
